مرتضى منصور: أسامة حسني إخوانجي.. والخطيب مشغله وبيديله 250 ألف جنيه شهريا
قال مرتضى منصور، رئيس نادي الزمالك: "الخطيب ماشي وراء علاء صادق، وفيه مؤامرة على البلد، ومحدش هيسمح بأي مؤامرة مهما كان معاك جماهير".
رسالة للخطيب
وأضاف خلال برنامج "زملكاوي" المذاع على قناة "الزمالك": "يا خطيب انت اللى قاعد على الحجر، وأتحدى لو تقنعني أنك معندكش ولا مخالفة، ومن فضلك يا وزير الشباب والرياضة طلع تقرير المخالفات بتاع الأهلي، يا خطيب أنا اللى اتحليت واتجمدت واتسجنت، انت لا اتحليت ولا اتجمدت ولا اتسجنت".
بلاغ ترك آل الشيخ
وتابع: "اتحملنا إعلام فاسد وتم حل المجلس واتجمد المجلس وإحنا معندناش مخالفة واحدة، وبقول للخطيب الأهلي مش فوق الجميع ولا الزمالك ولا انت ولا أنا، مصر اللى فوق الجميع، ومفيش حد فوق القانون، وشوف قناتك هتصرف عليها منين؟ وهتجيب إعلانات منين؟ وهتقبض الناس منين؟ روق يا كابتن خطيب بلدنا مش ناقصة متبقاش شوكة في ضهر البلد".
وأردف: "إحنا هنولع في بعض يا محمود علشان الولد علاء صادق واللى معاه واللى وراه، انت اللى قلت تنشروا فيديو شتيمة سيد عبد الحفيظ".
صورة أسامة حسني مع صفوت حجازي
ولفت: "أسامة حسني زوج بنتك يا خطيب إحنا عارفين أنه إخوانجي وانت مشغله في قناتك وبياخد 250 ألف جنيه في الشهر، وطلع بيسألوه عن المصالحة معايا قال نحط إيدينا في إيد الشيطان ومنحطهاش في إيد مرتضى منصور برغم أنه حط إيده هو والخطيب في يد الإخواني صفوت حجازي في عقد قرانه علي بنت الخطيب، وكلها أسرة إخوانية".
وأكمل: "يا أسامة حسني أنا راجل دولة غصب عنك، والزمالك أول ناد بلا ديون للضرائب، ودفعنا للضرائب ما يقرب من 118 مليون جنيه، ومفيش حاجة أن الدولة سايبانا وأن علينا ضرائب، بطل تضليل يا أسامة، أما بالنسبة للتأمينات دفعنا في 4 سنين حوالي 51 مليون جنيه، إحنا بندفع ضرائبنا وتأميناتنا، ودافعين لهيئة الأوقاف 12.5 مليون جنيه، والنادي النهري بندفع اشتراك سنوي في ميعاده أكثر من 7 ملايين، ودافعين لقناة الزمالك في سنة واحدة 60 مليون إيجار إستوديو والهاي لايتس وأجور عاملين".
دعم الأهلي مقارنة بالزمالك
وتابع: "الدولة مش بتدلعني أنا يا خطيب وتقولي الدولة متزملكة، انت أخدت أرض في التجمع وأنا مأخدتش، وقدمت من 2015 ومأخدناش بس هناخد ولو مأخدناش في التجمع هناخد في العاصمة الإدارية".
ولفت: "الدولة اللى انا عملت لها نادي عالمي كل اللى دعمت بيه الزمالك 5 مليون جنيه علي سبيل السلفة، خلوا عندكم دم بقى ده انا جبل ومستحمل فين الدولة اللى بتدعم الزمالك بس دول كانوا بيدعموا الأندية وعند الزمالك وزارة الشباب والرياضة خصمت 500 ألف جنيه وقاللى خصم من السلفة".
وأكمل: "دولة إيه اللى متزملكة ده إحنا مستحملين، ده أنا بعت للمهندس خالد عبد العزيز وقلت له بعمل نادي اجتماعي جديد فكان الرد أن وزارة الشباب والرياضة لا تمانع مع إقامة أي مشروعات أو أنشطة دون تحمل أي أعباء مالية".
ولفت: "عقد الرعاية مع الشركة الراعية في 4 سنين الزمالك أخد 400 مليون جنيه والخطيب أخد 850 مليون جنيه، يبقى مين اللى بيتم دعمه بشكل أكبر؟".
وأكمل: "إيه اللى تاعبك وإيه طلباتك يا كابتن الخطيب ده الدولة بتديك أرض وضعفنا فلوس، دي شركة صلة اتسحبت من عقد الرعاية واللى سندك الدولة من خلال برزنتيشن".
