مرتضى منصور: الخطيب فشل في بيع ماتشات الأهلي لقناة أبوظبي.. وهذه رسالتي لـ"شوبير"

قال المستشار مرتضى منصور، رئيس نادي الزمالك: "الكابتن محمود الخطيب قال في البيان بعد حذف الشركة المتحدة فيديو سيد عبد الحفيظ إنه أصدر توجيهات بنشر الفيديو اللى بيشتمنا فيه على كل صفحات النادي، الناس في الشركة المتحدة شالوا الشتيمة تقوم أنت يا كابتن يا وقور تنشر الشتيمة".

موقف الشركة المتحدة

وأضاف خلال لقائه ببرنامج "زملكاوي" المذاع على قناة "الزمالك": "إحنا عايزين البلد تهدأ يا جماعة، والشركة المتحدة ردت أن محدش هيبلطج عليها ولا ينشر فيديو يحمل أي إساءة لأحد".

تواصل الخطيب مع يعقوب السعدي

وتابع: "الخطيب راح لحبيبه يعقوب السعدي اللى أنا شغلته في مصر ومحدش كان عارفه، ولما جالي مارينا مكنش ولا حاجة، وكانوا معتمدين أن أبوظبي الرياضية تشتري الماتشات بتاعت الأهلي، وبعد 5 دقايق طلعوا بيان نفوا فيه شراء مباريات الأهلي".

مرتضى منصور يعلق على أنباء تعاقد الأهلي مع بن شرقي: مش هيحصل

مرتضى منصور يكشف كواليس اعتذاره لـ"أمح الدولي"

تحذير لـ"شوبير"

وتابع: "تحذير أخير لشوبير وبقوله ابعد عن الزمالك، عيب بقى تضغط على محمد الحنفي، ولما تقول جنش ميفوتش ليه بتضغط عليه؟ انت راجل شغال في الإذاعة الصبح وبالليل في أون، ملكش دعوة بالزمالك، وسيبك من فكرة التفويت لأننا كسبنا الأهلي".