مرتضى منصور: عبد الحفيظ عايز يولع البلد.. وما قاله صالح سليم عن الخطيب هيزعل الأهلاوية

قال المستشار مرتضى منصور، رئيس نادي الزمالك: "نحن في مرحلة جديدة بالنسبة لقناة نادي الزمالك بعد قرار الشركة المتحدة للخدمات الإعلامية، والقصة حاليًا أصبحت بين أعداء الوطن في مواجهة الدولة".
 

رسالة للخطيب

وأضاف خلال برنامج "زملكاوي" المذاع على قناة "الزمالك": "كلنا أندية رياضية في وطن اسمه مصر فوق الأهلي والزمالك وكل الأندية، ومع احترامي للكابتن محمود الخطيب اختلف مع اتحاد الكرة والوداد المغربي وبيراميدز والهلال السوداني وكل ده ملهوش قيمة إنما نختلف مع الدولة ونعاند الدولة ده مينفعش، إحنا دلوقتي عندنا دولة مؤسسات أنا اتحليت ومعنديش ولا مخالفة.. روحت القضاء وهو اللى رجعني ومقولتش للجماهير يلا ننزل الشارع ونحتل وزارة الشباب والرياضة".
 

فتنة كُروية

وتابع: "في الفترة الأخيرة لقينا علاء صادق اللى المساعد والأدمن بتاعه محمد مصطفى رئيس تحرير برنامج ملك وكتابة في قناة الأهلي وهو اللي بيدير القناة، بيحاول يعمل فتنة".

وأكمل: "النادي الأهلي نادٍ عظيم وفوق دماغي زي نادي الزمالك، والأهلي لا يقل عن الزمالك، وبقول علاء صادق مش أهلاوي ومعتز مطر عضو في النادي الأهلي وأبوه كان بيلعب في الأهلي بس ده ميسيئش للأهلي، وبرضو محمد ناصر أهلاوي وبيحاولوا يوقعوا مشكلة ويخلقوا فتنة، ولكن هم ملهومش علاقة بالأهلي، وزوبع دخل الملعب مع الأهلي، والأخير اللى دخل ملعب الهارب محمد علي اللى ملوش علاقة أصلا بالنادي الأهلي وهو خاين وخايب واللى بيسمع كلامه وبيردد كلامه خاين برضو، والفترة اللى حاولوا يلعبوا عليها مسلم ومسيحي وفتنة طائفية فشلت.. دلوقتي دخلنا في الفتنة الرياضية الكروية ودي أخطر لأن كل بيت وجامعة ومؤسسة فيها أهلاوي وزملكاوي، وأنا بقولهم عمركم ما هتنجحوا في اللى إنتوا عايزين والوطن أقوى".
 

رسالة لقطر

وتابع: "بقول لقطر أنا مش بتكلم من ساعة المصالحة، ولكن يا دولة قطر علاء صادق عندكم بيعمل إيه؟ ده بيسيء للعلاقات المصرية القطرية، وعبد الله الشريف بيعمل إيه عندكم؟ ده بيسيء ويشتم كل المصريين والرئيس السيسي، إحنا اتصالحنا يبقى اتصالحنا وزي ما أنا مادد إيدي بكل خير انت كمان تعمل كده يبقى الواد علاء صادق يترحل ويجي مصر، والتاني نفس القصة، واعملوا زي ما تركيا عملت لما رحلت كل الإخوان، وقالت لهم السيسي أهم عندنا منكم".

مانشيت سيد عبد الحفيظ

ولفت: "المشكلة بدأت أن صعب عليا لاعيبة الأهلي والزمالك وكل الأندية أنهم مش عارفين يقفوا في الملعب بسبب الإجهاد، وعملت مداخلة مع مجدي عبد الغني الكابتن بتاعك يا خطيب، وقلت أنا الأول في الدوري، ومع استعداد الدوري ينتهي السنة دي علشان نريح اللاعيبة ونعطى فرصة للاعيبة تستعد الموسم المقبل، فطلع الكابتن سيد عبد الحفيظ قال عليا فكر فاسد، وأنا اللى قلت كلام يفيد كل الأندية، فأنا رضيت عليه أني مش هرد عليه وقلت واحد تربى وسط الحمير نستنى منه إيه وفقًا للمانشيت الخاص بحواره في الدستور الرياضي أيام إبراهيم عيسي".
 

انسحاب الخطيب من كأس مصر

ولفت: "الخطيب لما عرف أني هحضر نهائي الكأس ادعى أنه تعبان ومسافر ألمانيا، والعامري فاروق هو اللى حضر وبفكره أنه لما كسب قضيته للعودة لمنصبه نائب رئيس النادي الأهلي، بعتله رسالة تهنئة".

مصافحة العامري فاروق

وأردف: "العامري فاروق رفض يسلم عليا في نهائي الكأس، وهذا تصرف لا يليق بواحد جاي يسلم الأهلي، وفي مراسم تسليم الميداليات جمال علام ده حاجة غريبة وخد كل الميداليات وسلمها للاعيبة، وكل لاعيبة الزمالك طبطبوا على لاعيبة الأهلي، وكان فيه مستوى رائع من كل اللاعبين، والممر الشرفي اتعمل للشرفاء، والدنيا حلوة إلا سيد عبد الحفيظ اللى رفض يدخل الممر الشرفي، وكلمت الشناوي وقلت له شد حيلك وعمرو السولية ومحمد شريف وأفشة نفس القصة، إنما سيد عبد الحفيظ رفض ممر الشرفاء، وكل لاعيبة الأهلي سلمت عليا بما فيهم المدير الفني إلا سيد عبد الحفيظ اللي رفض يسلم عليا وأنا أصل ممدتش عليه، وأنا عارف أنه إخوانجي وكان في رابعة ومش معاه شهادات، وكان بيتحايل عليا أطلع معاه في قناة "سي أر تي"، وبعد كده فؤجئت بعد ماتش الأهلي والجونة لقيته شتمني أنا وخالد الغندور وإبراهيم عبد الجواد، وأنا لما اتشتمت بلغت مؤسسات الدولة والشركة المتحدة لها عقد معايا ومع الأهلي بشأن قناتي الأهلي والزمالك، والبند الرابع في العقد يستوجب على الشركة أنها حذفت الشتيمة حتى لا تتعرض للمسئولية المدنية والجنائية في حالة حدوث الأخطاء، هو انت يا خطيب عايزني أتشتم في قناتي والشركة تسكت ولما تتدخل انت تعيط.. إزاي أبقى رئيس القناة وأقاطع القناة زي ما انت عملت يا محمود الخطيب، أنا معطتش وملطمتش يا خطيب، والشركة المتحدة تحملت مسئوليتها".
 

رسالة لسيد عبد الحفيظ

وأكمل: "انت عايز تولع البلد  يا سيد عبد الحفيظ، وأتحداك لو تقدر تنزل بلدك واعمل فيديو بث مباشر من بلدك".

موقف الخطيب 

ولفت:"الخطيب بعد حذف فيديو سيد عبد الحفيظ كنت مفكره هيعمل بيان اعتذار رسمي، ودي الأصول بعد لما اتشتمنا انا وخالد الغندور وابراهيم عبد الجواد تدعم اللى اتشتمنا، زينب هانم زوجة الكابتن العظيم الراحل صالح سليم قالت عليك كلام نقلا عن المايسترو الراحل في آخر أيامه لو قلته الأهلاوية يزعله، وهل يليق أن حسام غالي ومحمد الدماطي يتشتموا، وهل يليق بالأهلي أن يتجاهل نعي زوجة مارادونا النيل طاهر أبو زيد، دي عمرها ما كانت مبادئ النادي الأهلي، مجدي عبد الغني ومصطفى يونس رموز الأهلي اتشتموا، ليه ولاد الأهلي يتشتموا ده إحنا محوطين على أبناء الزمالك، سيبتوا صفوت عبد الحليم ميت محروق ومحدش عمله حاجة".

وعلق مصطفى يونس، نجم الأهلي السابق: "نفسي اللى بيعمله مرتضى منصور يكون 10% منه في الأهلي".

مرتضى منصور للخطيب: مش عارف أنت عايز إيه.. من فضلك تعالى نصفي الأمور

مرتضى منصور يكشف كواليس اعتذاره لـ"أمح الدولي"

حقيقة علاء صادق

ولفت: "علاء صادق عمره ما كان أهلاوي ده غلاوي وكاره للوطن، وقال عليا أسد قبل كده، والخطيب بينفذ اللى بيعمله وبيقع في الفخ، وقبل قرار مقاطعة قناة الأهلي كان علاء صادق بيأكد أن الأهلي هينفذ القرار".