الكلام على مين.. إعرفوه لو كنتم شاطرين
كابتن كبير فى النادى الكبير
مدير للكورة حراق ومكير
له تصريحات بتنكد عالمنافس
واللاعيبه شايفينوا أخ كبير
أهلاوى متعصب ساعات
وأكتر مدير كورة بياخد إنظارات
بيعمل مشاكل مع الحكام
ومع زملائه ملاك بجناحات
ماشى بمبدأ سيب وانا أسيب
مدافع شرس عن محمود الخطيب
والخطيب كمان متمسك بيه
والمحبة رزق والأُلفة نصيب
لكن مؤخرا حركاته غير عادية
وملهاش علاقة بالروح الرياضية
رّفّض يمشى فى الممر الشرفى
اللى عملوه اللاعيبة الزمالكوية
ناس عارضته وناس تعاطفت معاه
ناس شتمته وناس مشيت وراه
المهم ناديه شايف إيه
هل سيؤيده أم سيحقق معاه؟
