نص اقوال المتهم بقضية جمع ربة منزل بين زوجين بالمقطم | مستندات

حصلت فيتو علي نص التحقيقات الكاملة في قضية اتهام ربة منزل في المقطم بالجمع بين زوجين، وجاء في نص أقوال المتهم الأول ويدعي “عبد المنصف. أ” التي أجرتها النيابة العامة كالتالي:

س: ما قولك فيما هو منسوب اليك من انك متهم بالاشتراك مع المتهمة نفيسة. ح في ارتكاب جريمتة الزنا بان قمت بمعاشرتها معارة الازواج بناء علي الاتفاق والمساعدة ؟
ج: الكلام ده محصلش

س: ما الذي حدث اذا وما هي طروف ضبطك واحضارك وعرضك علينا؟

ج: اللي حصل ان انا وعبد النبي اقارب وبعد كده حصل خلافات بينه وبين مراته نفيسة ومشيت وسابته والكلام ده كان في شهر فبراير اللي فات وانا كنت ساعتها بدور عليها بس ملقيتهاش وبعد كده اخت نفيسة المعودة ام هاشم كلمتني في التليفون وقالتلي ان نفيسة عندها وبعد كده في شهر مارس اللي اسمه شحات كلمني وقالي تعالللنا البيت في المقطم ولما روحلته وراني قسيمة طلاق نفيسة من زوجها عبد النبي وقالولي ساعتها اتجوزها انت واكتب عليها عرفي عشان عبد النبي ما يخدش الاولاد منها واتجوزتها واجرتلها الشقة اللي هي قاعدة فيها دلوقتي ببلوك 187 مساكن العبد بالمقطم وامبارح كنت قاعد عند ام هاشم في بيتها جنب الشقة اللي انا مأجرها لنفيسة اللي قاعدة فيها ولقيت النجدة جاية تاخدني من عندها وودوني علي القسم عملولي محضر وجيت دلوقتي النيابة.

س: متي واين حدث ذلك؟
ج: الكلام ده حصل نهار 22 يوليو 2022 الساعة 2 صباحا بمساكن العبد في المقطم

س: من كان برفقتك انذاك؟
ج: انا كنت قاعد مع ام هاشم وشحات جوزها

س: ما القائم بضبط وما عددهم وما اسمائهم ؟
ج: اثنين امناء شرطة ومعرفش اساميهم

س: هل ثمة علاقة او خلافات بينك وبين القائمين علي ضبطك؟
ج: انا معرفهمش ولا يوجد بيني وبينهم اي خلافات

س: ما تعليلك اذا لالقاء القبض عليك؟
ج: علشان عبد النبي قالهم انه هو زوجها مش انا

س: متي حدثت واقعة زواجك من المدعوة نفيسة؟
ج: انا اتجوزتها في شهر مارس

س: هل كنت علي علم بانها ما تزال متزوجة من عبد النبي؟
ج: لا انا مكنتش اعرف انها لسه علي ذمته

س: من هو القائم علي ابلاغك بذلك تحديدا؟
ج: اللي بلغني بالكلام ده ام هاشم اخت نفيسة وجوزها شحات

س: هل من ثمة شهادة قيد طلاق لديك؟
ج: هي مش معايا

س: واين هي شهادة قيد الطلاق انفة البيان؟
ج: الورق كله مع شحات

س: ما هي ظروف تقابلك مع المتهمة نفيسة؟
ج: انا عرفتها بحكم انها زوجة عبد التنبي قريبي

س: متي واين كان ذلك تحديدا؟
ج: انا اتعرفت عليها من سنتين لما جت مع عبد النبي الاقصر

س: ما الذي اخبرك به كلا من ام هاشم وشحات زوجها تحديدا؟
ج: هما قالولي ان عبد النبي طلق نفيسة ووروني شهادة طلاق وقالولي اتجوزها انت

س: هل من ثمة عقد زواج بينك وبين نفيسة؟
ج: ايوة ومرفقة بالمحضر 

س: متي واين قمت بالزواج من المدعوة نفيسة؟
ج: انا اتجوزتها في شهر مارس اللي فات في المقطم

س: هل من ثمة شهود علي ذلك الزواج؟
ج: ايوة هشام وواحد تاني اسمه صلاح

س: اين كنت تقيم فترة زواجك من المدعوة نفيسة؟
ج: انا كنت عايش معاها في الشقة اللي اجرتهالها في مساكن العبد بالمقطم

س: ما قولك فيما محضر الاستدلالات المؤرخ بياريخ 22 يوليو 2022 الساعة 7 صباحا والمحرر بمعرفة امين شرطة حاتم عطية بقسم شرطة الخليفة ؟
ج: الكلام ده محصلش

س: وما تعليلك اذا وقد قمت بالتوقيع علي المحضر؟
ج: هما قالولي امضي فمضيت

س: ما قولك فيما شاهد به المدعو عبد النبي. م ؟
ج: الكلام ده محصلش

س:هل ثمة خلافات بينك وبين عبد النبي؟
ج: هو قريبي من بعيد ومفيش بيني وبينه اي خلافات

س: ما تعليلك لما قرره عبد النبي؟
ج: انا معرفش هو بيقول ليه كده

س: ما سبب تواجدك في محل الواقعة تحديدا؟
ج: انا كنت قاعد سهران معاهم

س: هل تم ضبطك في قضايا مماثلة من قبل؟
ج: لا 

س: هل لديك سوابق جنائية؟
ج: انا معنديش سوابق 

س: هل لديك اسم شهرة؟
ج: انا معنديش اسم شهرة

وتلقت غرفة عمليات شرطة النجدة بلاغًا من عامل يفيد بضبط زوجته في أحضان عشيقها داخل شقة مستأجرة في منطقة المقطم، وانتقل رجال المباحث لمكان الواقعة.

وتحفظ رجال المباحث على ربة منزل وعشيقها، وبسؤال المبلغ أفاد أنه ضبط زوجته داخل شقة مستأجرة بدائرة القسم.

وبمواجهة ربة منزل وعشيقها، قالت الأولى: “مش عشيقي أنا متجوزاه عرفي”، وتم اقتياد المتهمين إلى ديوان القسم وتحرر محضر بالواقعة وتولت النيابة العامة التحقيق التى أمرت بحبسهما 4 أيام على ذمة التحقيقات.