مجدي أحمد علي يكشف كواليس تعاطى نجله المخدرات | فيديو
علق المخرج مجدي أحمد علي، على تصريحات نجله الفنان أحمد مجدي بشأن تعاطيه المخدرات في مرحلة الثانوية العامة، وفشله دراسيًّا.
ضغوط الشباب
وقال خلال تصريحات تليفزيونية بقناة "الشمس": "كنت عارف إنه يتعاطى مواد مخدرة في فترة المراهقة، والفلوس كانت بتنقص من جيبي، وعديت الموقف لأني عارف الفترة دي والضغوط على الشباب في الوقت ده".
حقيقة فشل أحمد مجدي دراسيًّا
وأضاف: "أحمد مجدي ابني عمره ما كان فاشل وفي 3 سنين الثانوي كان ناجح جدًّا وعمره ما رسب في أي مادة، وكان ممكن يدخل معهد السينما ولكن دخل حقوق عين شمس وقلت هياخدها في 10 سنين ومفيش سنة رسب في الكلية رغم صعوبة الدراسة".
تعاطي أحمد مجدي المخدرات
وأكمل: "تعاطي أحمد ابني المخدرات ما أثرش فيَّ ولا حاجة، لأنه شاب، وطالما الموضوع مدخلش في الإدمان ومن باب الهزار، وكمان أنا كنت عارف هو مصاحب مين وإنه هيعدي المرحلة دي على خير، وإنه لازم يستكشف في الحياة".
مسؤولية أحمد مجدي
وأشار: "أحمد ابني من وهو 6 سنين كان عنده مسؤولية إخواته البنات لما نخرج أنا ووالدته وهو كان بيرعاهم ويهتم بيهم".
