الخطيب: الأهلي صوته عالي في الحق مش سليط اللسان ولا فاحش أو بذيء
قال الكابتن محمود الخطيب رئيس النادي الأهلي أن الأهلي صوته عالي في الحق ومش سليط اللسان ومش سباب ولا فاحش ولا بذيء ولكن أكبر من كده بكتير".
رسالة لأعضاء الأهلي
وأكد: "أعضاء الجمعية العمومية للنادي الأهلي اللي هما ركيزة أساسية وضعتوا ثقتكم فينا وليكم حق علينا وكل لحظة بنحاول نتطور ونوجد حلول للمشاكل اللي بتشاوروا عليها والأمانة تقتضي إننا نقول إن الأهلي في مكانة أفضل من حيث الخدمات".
محاولات تشويه الأهلي
وأضاف خلال كلمته بقناة “الأهلي”: "لاحظنا في الإعلام الرياضي بيحاولوا يسفهوا من تاريخ الأهلي والتقليل من البطولات وبيحاولوا ينتهزوا الفرص وقت الإخفاق اللي هي قليلة لتشويه الأهلي والتسفيه من بطولاته، ووقت البطولات مبيبقاش الأهلي واخد حقه زي وقت الإخفاق، هل ده مخطط؟ أعتقد ذلك، نرى بوضوح أن هناك تربص واستهدف ومفيش دور للمجلس الأعلى للإعلام واشتكينا قبل كده وناس بتجرح فينا ومحدش بيعمل حاجة ومن غير ما أشتكي مش المفروض يكون فيه تقرير عن الإعلام الرياضي عشان نحافظ على بيوتنا من الألفاظ الخارجة وإزاي مفيش حد بيحاسب المخطئ واللي بيتجاوز في الإعلام؟ متجيش على رد الفعل خليك في الفعل يا مجلس أعلى للإعلام،
