الخطيب يكشف أسباب تراجع نتائج فريق كرة القدم بالنادي الأهلي

قال الكابتن محمود الخطيب رئيس النادي الأهلي:"أحب أرجع بالذاكرة للوراء قليلا عند تولينا مسئولية الإدارة كان التفكير في اعداد فريق للمستقبل من خلال لاعبين لديهم من القدرات الفنية والشخصية لإعادة بطولة دوري ابطال افريقيا اللى غابت عن الأهلي 7 سنوات، وبتوفيق ربنا ودعم الجماهير ودعم الفريق اَخر 6 سنوات وصلنا لـ 5 نهائيات بدوري أبطال أفريقيا ومفيش حد في أفريقيا أو أوروبا وصل زي الأهلي، وكسبنا منهم بطولتين والبطولة الأخيرة راحت منا لظروف معينة الجميع يعرفها، ووصول الفريق لهذا العدد من النهائيات أمر كبير، بمساعدة ناس من مصر راحت البطولة الأفريقية الأخيرة على الأهلي".

بطولات النادي الأهلي

وأشار خلال كلمته بقناة “الأهلي”:"النادي الأهلي حقق 12 بطولة في 3 سنين ما بين محلية وقارية و2 برونزية كأس عالم اندية، وده يجعلنا فخورين بنادينا اللى فيه ناس بتحاول تهد في النادي الأهلي".
 

وأضاف:"في كأس العالم للأندية الأخير كان في نفس توقيت خوض منتخب مصر بطولة الأمم الأفريقية اللى كان معظم لاعيبة الألهي مع المنتخب، واللى مشاركوش الا في المباراة الثالثة، ولما تعارض مونديال الأندية مع بطولة افريقيا كان الأهم بالنسبة لنا المنتخب حبا في الوطن ودعما للبلد والوطنية مش كلام وحب الوطن افعال ومش كلام وطنطنة وعلشان كده النادي الأهلي مختلف".
 

وأكمل:"لاعبية الأهلي اللى موجودين دلوقتي والناس بتلومهم ولهم حق لإن ده من حبهم للنادي الأهلي والفريق، ولكن انا بقول نفس اللاعيبة دي كانت واخدة 2 دوري ابطال افريقيا".
 

قمة الهرم الكروي

ولفت:"اللى حصل من 3 شهور وصول الفريق لقمة الهرم الكروي واللاعيبة وصلت لقمة الهرم وبعدين نزلت شوية تلعب في مستويات أقل، الي جانب عوامل الارهاق والإجهاد".
 

وأشار:"بعد اَخر 3 مواسم حققنا فيهم 12 بطولة ما بين قارية ومحلية ودولية 2 برونزية كأس عالم للأندية كنا متوقعين حدوث هبوط في المستوى بسبب عدد ساعات السفر وعدد المباريات القياسي اللى خاضها اللاعيبة وهذا أدى إلى استنزاف اللاعبين، وضغط المباريات المحلية وهذا أمر غريب جدا ان يتم الضغط على نادي كبير مشرف مصر في المباريات وبيتم معاقبته علشان بطل وبيلعب في كأس العالم للأندية، ولما يكون عندنا ضغوط مباريات لازم يكون فيه اصابات خاصة للاعبين اللى عندهم خبرة وصناعة الفارق".
 

الخطيب: "الجماهير هي السند والضهر للأهلي في المرة قبل الحلوة"

الخطيب يكشف مفاجأة حول رحيل موسيماني من منصبه

استهداف إحباط لاعبي الأهلي

وأكد:"هناك عوامل خارجية تستهدف إحباط لاعبي النادي الأهلي ومنها التحكيم اللى من السنة اللى فاتت عليه علامة استفهام كبيرة، ولا يأخذ الأهلي حقه في العدالة، وهناك أخطاء تحكيمية فجة كلها ضد الأهلي وهناك مجاملات في اتجاهات أخرى واحنا بنطلب العدل فقط، وخلال الفترة الأخيرة أرسلنا أكثر من 20 خطابا عن التحكيم ولا أحد يرد من مسئولي اتحاد الكرة ولا رابطة الأندية، والردود كانت عندكم حق واحنا هنطور، ولكن دون جدوى".