السيسي يكشف موقف الدولة من مشاركة الإخوان في الحوار الوطني

قال الرئيس عبد الفتاح السيسي، خلال لقائه بالإعلاميين أثناء افتتاح مشروع القطار الكهربائي السريع: "نرحب بأي مستثمر عربي للاستثمار في مصر، وخلال الفترة الماضية تم تنفيذ حجم ضخم من المشروعات ومستعدين لمشاركة القطاع الخاص والمستثمرين في ما تم تنفيذه".

إعادة تنظيم الدولة

وأضاف: "نحن بنعيد تنظيم الدولة، وفيه طرق لما نيجي بنعملها بنشيل 3 و4 آلاف شقة وبنقوم بتعويض الناس، وفي الوراق عرضنا على الناس تعويض مغري وخيارات أخرى، ومحدش لا يمكن نقبل أنه يتظلم".

جهد الدولة في التشغيل

وتابع: "الدولة تبذل جهد كبير في التشغيل لتوفير فرص عمل للناس، وفيه 30 مليون مواطن شغالين في القطاع الخاص".

السيسي: الإخوان قعدوا سنة ونص خلصوا على مقومات البلد.. والله العظيم ميعرفوش يعني إيه دولة

السيسي: اقترحت على الإخوان تصورًا لتجاوز الأزمة وردهم كان التهديد بالقتل

الحوار الوطني 

وأشار: "أطلقنا الحوار الوطني لمشاركة كل المفكرين والمثقفين والنقابات والقوى السياسية باستثناء الإخوان لأن إحنا في 3 يوليو 2013 آخر حاجة علمتها تركت عليهم تصور ومقترح لتجاوز أزمة مصر وقتها قلت إننا نعمل انتخابات رئاسية مبكرة ونعطي للشعب فرصة يقول رأيه وقلت لهم انتوا بتقولوا إن ليهكم مؤيدين واللى بيحصل مؤامرة  طيب خلونا نكتشف المؤامرة ونعمل انتخابات رئاسية مبكرة مرة تانية ولو الشعب جابوكم خلاص ولو مجتوش تبقوا جزء من العملية السياسية وكان ردهم لأ والتهديد بالقتل، يبقى النهاردة الأرضية المشتركة اللي بتجمعنا من الحوار والنقاش مش موجودة لأن أنا بتكلم في حوار وهو بيتكلم في قتل، وكانوا عايزين ياخدوا البلد بالقوة مع انه كان هياخدها أشلاء وبعد 8 سنين من الكفاح المرير الحمد لله ربنا وفقنا لما وصلنا إليه الآن".