السيسي: اقترحت على الإخوان تصورًا لتجاوز الأزمة وردهم كان التهديد بالقتل
قال الرئيس عبد الفتاح السيسي: "3 يوليو يوم فارق في تاريخ مصر، والمنطقة والعالم، وربنا أراد أن الدنيا تتغير، والبلد كانت رايحة في سكة لن تعود منها، والنموذج اللى احنا بنتكلم عليه وكنا رايحين له موجود قدامنا ونجد الدول دي في حالة دمار وخراب ومفيش مستقبل، والدول دي عودتها أمر صعب جدا ومفيش استقرار ولا تنمية".
تهديد الإخوان بالقتل
وأكد: "اقترحت علي الإخوان في 3 يوليو2013 تصورًا لتجاوز ازمة مصر وكان ردهم التهديد بالقتل".
تكلفة خطة النقل والمواصلات
وأضاف: "اللي احنا رايحين له واللى بنشوفه النهاردة ده جزء من خطة كبيرة للدولة في مجال النقل والبنية التحتية للنقل والمواصلات، وبنتكلم في تريليون و700 مليار بيتصرفوا على قطاع النقل والمواصلات".
القوات المسلحة اسطورة
وأوضح الرئيس عبد الفتاح السيسي، خلال لقائه بالإعلاميين خلال افتتاح مشروع القطار الكهربائي السريع: "القوات المسلحة هي اسطورة مصر تستند عليها في أي وقت".
الوضع الليبي
وتابع: "نتمنى من الشعب الليبي والوطنيين الحفاظ علي الاستقرار في بلدهم، وعندما يكون مصيرك في يد الاَخرين خارج البلد لا تلومن الا نفسك، وكل واحد له مصالح وأهداف عايز يحققها ولكن لما البلد تكون مستقرة محدش يقدر يتدخل في قرارها وسيادتها".
فكرة الخمسينيات
وأكمل: "فكرة الدولة الرائدة فكرة الخمسينيات تم تجاوزها الاَن لفكرة العمل العربي المشترك".
