السيسي: الإخوان قعدوا سنة ونص خلصوا على مقومات البلد.. والله العظيم ميعرفوش يعني إيه دولة
قال الرئيس عبد الفتاح السيسي، خلال لقائه بالإعلاميين أثناء افتتاح مشروع القطار الكهربائي السريع: "الخطة المتكاملة للدولة المصرية تضمن إنشاء مترو أنفاق وقطار كهربائي سريع وأتوبيسات ترددية بجانب قطاع الزراعة وقطاع الصناعة والموانئ والمطارات والطرق القومية وخطة الكهرباء والتعليم والصحة، لو مكنتش اتعاملت كانت الدولة توقفت تماما واتشلت تماما في ظل نمو سكاني أكثر من 2 مليون نسمة سنويا".
قوة الدولة
وتابع: "احنا بنعمل للمستقبل، وبنعمل تنمية تأخذ الدولة في مكان تاني، وتصور كامل لدولة قامت علي نفسها انها تقاوم التشكيك والحقد ومحاولة الخراب بالعمل والعمل فقط، واحنا بقالنا 3 سنين طبقا للواقع اللى احنا فيه منشتغش كده بسبب كورونا والحرب ولكننا بنراهن علي الوقت ومستقرين وبنعمل بجد وواقفين على رجلين".
حالة تشكيك وخراب الإخوان
ولفت: "كنت حريص في مسلسل الاختيار على إلقاء الضوء علي القضايا الهامة، والله العظيم الإخوان ما يعرفوا يعني ايه دولة، وهما كانوا شاطرين في حاجة واحدة أنهم ينظموا انتخابات ويقدرا يأثروا علي الناس علشان ياخدوا اصواتهم وده اللى اتدربوا عليه 70 سنة، وإزاي يعملوا جماعات للتشكيك والاساءة، وخلال السنين اللى فاتت في حالة اتشكلت لدى المواطن هي حالة من الشك والتشكك بقيت مستقرة ومش مصدق اللى الدولة بتعمله وعنده منطقة رمادية خلقوها له،ولما الإخوان مسكوا ايه اللى حصل، هو حد يبقى عايز يمسك البلد يخليها تتظاهر سنة ونصف لحد لما يجيبها على الأرض".
كارثة الإخوان
وأكمل: "الإخوان قعدوا سنة ونص خلوا مقومات الدولة اللى كانت ظروفها صعبة خلصوا عليها، وكل جمعة فيه مظاهرة علشان يهدوا البلد".
ثورة 30 يونيو
ولفت: "35 مليون مواطن مصري خرجوا على جماعة الإخوان في ثورة 30 يونيو وهذا أمر الهي لأنه أنقذ بلادنا من السقوط".
تحدى الوعي
وأشار الرئيس السيسي : "التحدي الذي يواجهنا هو عدم الفهم للتحديات التي تواجه الدولة المصرية وهذا هو دور الإعلام أن يقوم بتوعية الناس".
عظمة القوات المسلحة
وأكد: "القوات المسلحة أسطورة البلد وهي عمود الخيمة الذي تستند عليه الدولة في أي وقت".
