هشام المليجي: أول دور في حياتي كان قدام عمر الشريف ورانيا شاهين بـ100 رجل
قال الفنان هشام المليجي: "موهبتي الأساسية في الموسيقى قبل احتراف التمثيل، والدور بينادى صاحبه ومن أول ما احترفت التمثيل وأنا متعود أن فيه أوقات مبيبقاش فيها شغل".
التمثيل مع عمر الشريف
وتابع خلال لقائه ببرنامج "كلام الناس" المذاع على قناة "إم بي سي مصر": "أنا محظوظ كممثل لأن أول دور في حياتي كان قدام الفنان العالمي عمر الشريف".
مشكلة رانيا شاهين
وأضاف: "لاحظت في أزمتي الأخيرة أن الناس بتحبني ومش عارف أشكر جمهوري ازاي، والفنانة رانيا شاهين بـ100 راجل لكن وصفها لحالتي بإني اعاني من اكتئاب كان توصيف غير دقيق منها".
الاتجاه للموسيقى
ولفت: "الناس ظلمتني لما افتكرت إنى ابن الفنان محمود المليجي، ومفيش اي صلة قرابة بينا، واتجهت للموسيقى في الفترة الأخيرة وفيه شعراء كتير بيكلموني علشان أغنى كلماتهم".
سبب العزوف عن الزواج
وأكد هشام المليجي: "لسه متجوزتش علشان الجواز مهم جدا هخليه آخر حاجة في حياتي، ورحت مرة لطبيب نفسي بعد نصيحة واحد صاحبي".
وانتهت الأزمة بين الفنان هشام المليجي والفنانة رانيا شاهين خلال الأيام الماضية حيث ناشدت الأخيرة المنتجين لتوفير فرصة عمل للفنان هشام المليجي، وهو ما أغضبه وأعرب عن رفضه التام لحديثها.
وكتب "المليجي" من خلال حسابه الشخصي بموقع التواصل الإجتماعي "فيس بوك": “أنا مضايق من نفسي جدا لأني كنت عنيف مع زميلتي اللي كانت عاوزه تساعدني وغلطت في الأسلوب ومش عارف اعمل ايه.. اخواتي وأقرب الناس ليا ميعرفوش دواخلي ولا حياتي الشخصيه.. وأنا مطلبتش منهم مساعدة لأنهم أولى الناس بمساعدتي ده لو كان عندي أزمة.. عشان كده انا انفعلت ومكنش المفروض اكتب وانا غضبان.. متزعليش مني يارانيا وحقك عليا انتِ عارفه انك غاليه عندي وطول عمرنا جدعان مع بعض وانا بعتذرلك قدام الناس كلها”.
وانتهت الأزمة بين الفنان هشام المليجي والفنانة رانيا شاهين خلال الأيام الماضية حيث ناشدت الأخيرة المنتجين لتوفير فرصة عمل للفنان هشام المليجي، وهو ما أغضبه وأعرب عن رفضه التام لحديثها.
وكتب "المليجي" من خلال حسابه الشخصي بموقع التواصل الإجتماعي "فيس بوك": “أنا مضايق من نفسي جدا لأني كنت عنيف مع زميلتي اللي كانت عاوزه تساعدني وغلطت في الأسلوب ومش عارف اعمل ايه.. اخواتي وأقرب الناس ليا ميعرفوش دواخلي ولا حياتي الشخصيه.. وأنا مطلبتش منهم مساعدة لأنهم أولى الناس بمساعدتي ده لو كان عندي أزمة.. عشان كده انا انفعلت ومكنش المفروض اكتب وانا غضبان.. متزعليش مني يارانيا وحقك عليا انتِ عارفه انك غاليه عندي وطول عمرنا جدعان مع بعض وانا بعتذرلك قدام الناس كلها”.
رفض هشام المليجي
ليخرج من بعدها «المليجي» قائلًا: «فجأة لقيت الصحافة كلها بتكلمني بسبب منشور من زميلة وصديقة أكن لها كل الحب والاحترام.. أنا بخير ولا يوجد ما يعكر صفو حياتي والأمور على خير ما يرام.. الشغل ده رزق ومكتوب ولا حيلة لنا في الرزق.. أنا تمام وبصحة جيدة ولا أعاني من الاكتئاب بسبب عدم مشاركتي في الأعمال التلفزيونية أو السينمائية.. أعمالي قليلة صحيح بس معروفة وربنا وفقني فيها والناس أكثرها بتحبني وسيرتي كويسة في الوسط الفني ومعنديش مشكلة مع حد وربنا يعدي الحرب اللي دايره اليومين دول على خير ويرفع عننا الوباء والبلاء.. شكرا لكل الأصدقاء والمتابعين ومفيش أي مشكلة أصلا والحمد لله على كل حال وربنا يسترنا دنيا وآخرة».
