هشام المليجي يمازح متابعيه: أنت كنت الكراش بتاعي ما يصحش كدا
مازح الفنان هشام المليجي جمهوره ومتابعيه، عبر حسابه الشخصي بموقع التواصل الاجتماعي “فيس بوك” حيث كتب هشام منشورًا قال فيه: بالنسبة للبنات اللي بتكتب لي أو بتبعت لي "أنت كنت الكراش بتاعي" أو "أنا كنت معجبة بيك" ميصحش كده 😒 من فضلكن احذفن "كنت" دي".
وتصدر اسم الفنانة رانيا شاهين، والفنان هشام المليجي، مؤشرات البحث على جوجل وذلك، بعدما ناشدت الأولى المنتجين لتوفير فرصة عمل للفنان هشام المليجي، وهو ما أغضبه وأعرب عن رفضه التام لحديثها.
بداية الأزمة
وكانت بداية الأزمة عندما كتبت رانيا شاهين عبر فيسبوك قائلة: «الراجل دا جاري في العمارة اللي جنبي ومتربيين مع بعض.. مش بيشتغل وهو ممثل ممتاز.. ومكافح وعنده اكتئاب وبيرفض انه يكلم حد على شغل علشان هو حساس… تحية ليك يا جاري العزيز الصابر الصامت صاحب عزة النفس.. أنا عارفة إنه هيزعل مني لما يعرف إني كتبت الكلام ده…بس كل ما أزوره حقيقي بيصعب عليا.. مع إنه مش بيشتكي بس باين عليه».
رفض هشام المليجي
ليخرج من بعدها «المليجي» قائلًا: «فجأة لقيت الصحافة كلها بتكلمني بسبب منشور من زميلة وصديقة أكن لها كل الحب والاحترام.. أنا بخير ولا يوجد ما يعكر صفو حياتي والأمور على خير ما يرام.. الشغل ده رزق ومكتوب ولا حيلة لنا في الرزق.. أنا تمام وبصحة جيدة ولا أعاني من الاكتئاب بسبب عدم مشاركتي في الأعمال التلفزيونية أو السينمائية.. أعمالي قليلة صحيح بس معروفة وربنا وفقني فيها والناس أكثرها بتحبني وسيرتي كويسة في الوسط الفني ومعنديش مشكلة مع حد وربنا يعدي الحرب اللي دايره اليومين دول على خير ويرفع عننا الوباء والبلاء.. شكرا لكل الأصدقاء والمتابعين ومفيش أي مشكلة أصلا والحمد لله على كل حال وربنا يسترنا دنيا وآخرة».
