عصام شعبان عبد الرحيم يكشف مفاجأة لـ «فيتو» بشأن خلافاته مع أشقائه
خرج الفنان عصام شعبان عبد الرحيم، نجل المطرب الشعبي الراحل شعبان عبد الرحيم، عن صمته لكشف حقيقة الخلاف مع أِشقائه، وذلك ردًا على الأحاديث التى تدور عبر مواقع التواصل الاجتماعي “فيس بوك” في الفترة الأخيرة.
فى هذا السياق، قال “عصام” لـ “فيتو”: “كل الناس بتتكلم وهي متعرفش حاجة ولا تعرف يعني أيه ولاد شعبان عبد الرحيم، إحنا عمرنا ما نكره بعض أو نضرب بعض زي ما الناس قالت في الإعلام”.
وأضاف نجل شعبان: “فعلًا كانت فيه خلافات مع أخويا عبد الرحيم عادية زي كل الأخوات، لكن الموضوع من 6 أشهر وانتهى تمامًا، وعمري ما أضرب أخويا أو هو يضربني”.
و وجه “عصام” رسالة لجمهوره وبعض الإعلاميين قائلًا: “ أنا أبويا الله يرحمه كان بيحب الناس كلها، وكل الإعلاميين أصحابه، واللى بيحصل منهم دلوقتي بيزعله في تربته وحرام، ياريت نحترمه ونقدره، وأنا وأخواتي في ضهر بعض العمر كله ومفيش زعل على الميراث والكلام الفاضي ده”.
