في فيديو خاص لـ"فيتو".. منار اللبنانية تكشف آخر تفاصيل أزمة ميراثها من "شعبولا"
وقالت "منار"، خلال الفيديو: «أنا ساكته وهتكلم فى الوقت المناسب عند الوصول لمصر قريباً لإنهاء إجراءات الميراث وحقي فى الفيلا التي تركها شعبان».
وأضافت: "وصلني اليوم فيديو من عصام شعبان عبد الرحيم، ينفي حقي فى امتلاك الفيلا، وأنا أعيد وأكرر، إنتوا ولاد شعبان عبد الرحيم إخواتي، الراجل اللى وقف جمبي".
واختتمت: «كنت في نيويورك لما مات شعبولا، وبعد ما عرفت بفترة تحدثت وفى تفاصيل كتير لابد من الحديث فيها قريب عقب وصولي مصر».
خاص.. «خلصنا الورث كله» نجل شعبولا يرد على منار اللبنانية بأغنية على طريقة والده | فيديو
وكانت «فيتو» انفردت مؤخراً، بأزمة حديث الفنانة منار اللبنانية عن أحقيتها فى امتلاك الفيلا، وميراثها من شعبان، ورد عليها نجله الأكبر عصام شعبان عبد الرحيم، لنفي كل ما قالته.
وأكدت منار فى تصريحات خاصة لـ«فيتو»، أنها لم تكن تعلم بورثها الفيلا من شعبان عبد الرحيم الشهور الماضية، موضحة أنها أثناء وفاته كانت تتواجد بأمريكا.
وتابعت: "أنا مكنتش أعرف حاجة بس محامي شعبان عبد الرحيم كلمني وبعتلي المستندات بس فى مشاكل فى العائلة، وعصام رافض يديني الحاجة".
وأضافت: "لو ليا حق هاخده بالقانون، أنا منتظرة عشان أجي مصر، وفى خلافات بيني وبين عصام وفى نفس الوقت هو أخويا، وأنا مش هخسره هو وأخواته عشان الفيلا".
وبسؤالها عن حقيقة زواجها من شعبان عبد الرحيم قالت: "هو لو عندكم فى مصر شخص قدم لشخص حاجة لازم يكون متزوج منه، فى الحقيقة أنا مش متجوزة منه، هو شخص كريم وقدم هدية لي، شعبان كان بمثابة الأب الروحي ليا".
وأردفت: "أنا لحد دلوقتي مصدومة، وعصام حاول يخبي الموضوع، وأنا منتظرة أعود لمصر عشان أشوف بلدي التانية وعشان أشوف موضوع الفيلا أيضًا".
على الجانب الآخر، حرصت «فيتو»، على التواصل مع عصام شعبان عبد الرحيم، لمعرفة حقيقة الأمر والوقوف بشكل كامل على تفاصيل الواقعة، وقال لـ"فيتو": "أنا أول مرة أسمع الكلام ده، ومش فاهم حاجة بصراحة ومصدوم لأن مش عارف هي لها حق فى ورث أبويا على أي أساس".
وأضاف: "هي بتقول معاها مستندات وأوراق بتثبت إن ليها حق فى الورث، وأنا لو أبويا الله يرحمه عمل كدة فعلًا وكتب حاجة ليها مش هقدر أكسر كلمته فى طربته، لأن فى النهاية هما عشرة وأبويا كان بيحبهم ومعتبرهم أسرة واحد، وإحنا زي الحاج شعبان عبد الرحيم مش بنحب المشاكل خالص".
