تعليق جديد من عصام صاصا على أزمة دهس شاب على الدائري

نشر مؤدي المهرجانات عصام صاصا تعليقا جديدا بعد أزمته الأخيرة بحادث الدائري وتسببه في مصرع شخص، مستشهدا بآية قرآنية.

تعليق جديد من عصام صاصا بعد حادث دهسه لأحد الأشخاص 

وكتب عصام صاصا ستوري عبر حسابه الرسمي بموقع إنستجرام آية قرآنية: "وَالَّذِينَ يُؤْذُونَ الْمُؤْمِنِينَ وَالْمُؤْمِنَاتِ بِغَيْرِ مَا اكْتَسَبُوا فَقَدِ احْتَمَلُوا بُهْتَانًا وَإِثْمًا مُّبِينًا".

زوجة عصام صاصا: بيعاني من أزمة صحية 

على  الجانب الأخر، كانت جهاد ماهر، زوجة مؤدي المهرجانات عصام صاصا، أكدت أنه يعاني من أزمة نفسية منذ حادث دهسه لأحد الأشخاص، وقدمت العزاء لأهل المتوفى.

وقال جهاد ماهر زوجة عصام صاصا: "إحنا من ساعة الحادثة والله العظيم ما حد بينام فينا، ولا بيتكلم ومش قادرين، عصام كان يومها مخلص شغله وبيتحرك من المكان وأنا كمان كنت وراه بردو على الدائري بس كنت في عربية تانية وكنا رايحين هنجيب رحيم وبعدها هندبح علشان “العقيقة"، ولما عصام اتحرك على الدائري كانت الساعة 5 مش الساعة 7.

وأضافت “جهاد”: "أنا جوزي عمره ما خبط حد ولا بيدوس على الناس، وكل يوم بيروح شغله من نفس الطريق دا، عمره ما عمل حادثة أصلا والحمد لله بس اللي حصل، إن عصام كان ماشي والراجل حدف نفسه على العربية مرة واحدة وذلك على حد قولها، موضحة: "فيه كمان حاجة عايزة أقولها أنا شوفت فيديو لشقيق المتوفى من يومين كان بيتكلم عن البوست اللي عصام نزله أول ما خرج من النيابة لما عمل التحاليل وخرج.

وتابعت جهاد: "وعصام حاسس بالذنب مش علشان هو غلطان زي ما بيقول أخو المتوفى، هو طبيعي إنك تكون شايفه غلطان، بس دا في وقت زعلك وحزنك وغضبك، ولكن لما تهدى وتسمع الشهود هتعرف أن أخوك كان بيعدي الطريق، ومكنش واقف على الرصيف زي ما أنت بتقول، وعصام ولا بياكل ولا بيشرب وبيعيط بس".

ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار، أسعار اليورو، أسعار العملات، أخبار الرياضة ، أخبار مصر، أخبار الاقتصاد، أخبار المحافظات، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية.