بسمة بوسيل تكشف قصة خرّابة البيوت بمنزل تامر حسني وموقفها من الخيانة (فيديو)
بسمة بوسيل، قالت الفنانة المغربية بسمة بوسيل: "صعب الخيانة بالنسبة لي ومقدرش اغفرلها، أنا بحب العيلة ونفسي طول الوقت يبقى عندي أسرة وخلفت أول طفل وعمري 21 سنة، بس الخيانة صعبة على الواحد".
الأفعى التي سممت حياة تامر حسني
وأضافت خلال لقائها ببرنامج "ع المسرح" المذاع علي قناة "الحياة": "كتير جدا وانا متعصبة اخبط حد غير تامر حسني بعصبيتي وانفعالي، منهم واحدة كانت علي الملأ وناس كتير قالت ليه تنكدي علي واحدة ليلة فرحها بس هي تستاهل وقلت لها يا خرابة البيوت وما زلت عند رأيي، وأنا صريحة جدا واكره الغدر، والإنسان الغدار بالنسبة لي أقل من الصرصار، ولما خش وسط عيلة وبيت اخش بخيط ابيض كده وأبقى أمينة وعندي أمانة بس خرابة البيوت معملتش كده ومكنش فيه الأمانة وكأننا دخلنا أفعى بيتنا وهي بالفعل كانت كالأفعى"- في إشارة إلى هالة عمر مساعد تامر حسني.
صراعات وشائعات تامر حسني
ولفتت: "لما اتجوزت تامر حسني استكتروا على الجواز من سوبر ستار ودخلوني في صراعات غصب عني وحاولت استحمل علي قد ما اقدر وغصب عني ده قرار انا اخدته ولازم أبقى قده، مكنتش عارفة قد إيه أنا قوية".
قصة الخيانة المزيفة
وأشارت:"تامر حسني كل شوية كان بيطلع عليه شائعات وده مكنش جديد بالنسبة ومكنتش حاجة جديدة ان واحدة تطلع على الملأ وتقول انها علي علاقة به، بس ده متوقع ومتصدمتش لإن دي من ضمن الشائعات".
موقف بسمة بوسيل من الغيرة
وتابعت بسمة بوسيل:"أي حد بيحب يغير بس كل حاجة في البني اَدم لها حدود لإن الغيرة ممكن تموت بالبطئ، انا مبغيرش أوي من واحدة ست أحلى مني ولكن بغير علي مشاعري لما احس اني استاهل اكتر من كده ولما ابقى مع حد لازم ياخد باله مني ويحط عنيه وسط راسه، وفيه وقت انا شكرت نفسي علي كل حاجة حصلت لي من الناس الوحشة اللي في حياتي".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية
