سوسن بدر تروي قصة مشاركتها في عروض الأزياء، ودور رجاء الجداوي (فيديو)
رجاء الجداوي، قالت الفنانة سوسن بدر:"بداية شغلي قبل التمثيل كانت في عروض الأزياء وكنت موديل وباخد فلوس كويسة".
سوسن بدر عارضة الأزياء
وأضافت خلال لقائها ببرنامج "معكم" الذي تقدمه الإعلامية منى الشاذلي بقناة "سي بي سي":"كنت في تانية ثانوي وقريت وقتها أن في أتيليه مهم من أهم بيوت الأزياء في مصر، اسمه فينوس موجود في شارع قصر النيل جنب سينما راديو وطالب عارضات أزياء وهيختار عددا منهم بعد إعداد اختبار لهن".
اختبار رجاء الجداوي
وتابعت:"كنت هتجنن وأروح اختبار عارضات الأزياء وأبويا معارضش وأمي راحت معايا، والفنانة رجاء الجداوي كانت من بين اللى هيختاروا العارضات، وعلاقتى بيها بدأت من اليوم ده".
دعم رجاء الجداوي
واستطردت:"رجاء الجداوي اختربتني ونجحت وعجبتها لإني كنت رفيعة وطويلة، فقررت أنها تبقى المسئولة عن تدريبنا في كل شئ، واتعملت منها حاجات في تكويني الشخصي وأنا مدينة لها لحد دلوقتي".
أجر سوسن بدر في عروض الأزياء
واختتمت:"قعدت اعرض أزياء لحد لما حصلت علي الثانوية العامة، وكنت باخد فلوس من شغلانة الموديل تفتح بيت، كنت باخد 10 جنيه، وكنت باخد الفلوس وأعطيها لأمي".
