مكتب شكاوى المرأة للفتيات: أى بنت تتعرض التحريض احنا معاكم وهندعمكم لحد ما تاخدوا حقكم فيديو
التحرش جريمة يعاقب عليها القانون المصري، بس لازم كل بنت تتعرض للتحرش تبقي عارفة إيه هي الإجراءات القانونية السليمة اللى لازم تتبعها عشان تحصل على حقها.
أعد المجلس القومى للمرأة، فيديو في إطار حملة الـ ١٦ يوما للقضاء على العنف ضد المرأة والتى ينظمها المجلس تحت شعار "كونى" خلال الفترة من ٢٥ نوفمبر وحتى ١٠ ديسمبر.
الفيديو عرض حكاية "ياسمين" إحدى ضحايا التحرش، وأنها على الرغم من أنها خسرت قضيتها، إلا أنها صممت “متسكتش” وتكمل مشوارها.
واستقبل مكتب الشكاوى بالمجلس القومي للمرأة "ياسمين"، حيث سردت قصتها وأبدت رغبتها فى توعية الفتيات من خلال مكتب الشكاوى وسرد تجربتها حتى لا يقعوا فى الأخطاء التى وقعت فيها ولم تستطيع بسببها الحصول على حقها.
ووجه المجلس رسالة للفتيات قائلا: “اسمعوا ياسمين ومكتب شكاوى المرأة بالمجلس بيقول لأي بنت بتتعرض للتحرش أو العنف بكافة أشكاله إنه مفتوح لاستقبالكم وهيساعدكم ويدعمكم وهيبقى معاكم خطوة بخطوة لحد ما تاخدوا حقكم”.
