عمرو أديب: مش عاوزكو تستغربوا لما تلاقوا مظاهرات في شرم الشيخ | فيديو
قال الإعلامي عمرو أديب: "مصر بكرة أمام امتحان عالمي خلال استضافة وتنظيم قمة المناخ بمدينة شرم الشيخ".
ضيوف مؤتمر المناخ
وأضاف خلال برنامج "الحكاية" المذاع علي قناة "ام بي سي مصر":"من يوم 6 إلى 18 نوفمبر الجاري مصر عندها ضيوف كتير في شرم الشيخ أكثر من 40 ألف مواطن بخلاف وفود لأكثر من 190 دولة ومؤسسة وهذا حمل ضخم جدا وموضوع تقيل جدا، والبلد عاملة مجهود ضخم على المستوى الأمني والسياحي والصحي والسياسي".
مسؤولية أحداث قمة المناخ
وتابع:"هناك مسئولية كبيرة جدا على مصر وسنكون في قلب الأحداث وأي نفس سيحدث في شرم الشيخ سيكون له صدى وترددات في العالم كله، وجاي لينا مستشار ألمانيا وماكرون ومحمد بن زايد وبايدن ومحمد بن سلمان، والكثير من الزعماء والرؤساء".
مظاهرات شرم الشيخ بقمة المناخ
ولفت:"بدون التدخل في ملف تقليل الانبعاثات الكربونية والأمور المعقدة عايز بس أقولكم أن أصل موضوع المناخ أن ده نوع من أنواع الاعتراض ومحاولة الوقوف أمام انهيار الكرة الأرضية ورفض تدمير العالم، فالناس اللى جاية بكرة غير الرسميين اللى هيكونوا في المنطقة الخضراء عبارة عن نشطاء بتوع مناخ موجودين بكرة وشغلتهم أن يعترضوا علشان لو حد شاف مظاهرات أو معترضين بكرة في شرم الشيخ يعرف أن ده سلو بلدهم ولما كان كان مؤتمر المناخ في جلاسكو أو مدريد طول ايام المؤتمر يسير الناس في الشوارع في مظاهرات للتنديد بتدمير الكرة الأرضية والمناخ وأن الوقود هيودينا في داهية ولازم نستخدم الطاقة النظيفة، فالبتالي مش عاوزكو تستغربوا لما تلاقوا مظاهرات في شرم الشيخ".
