شيرين تتصدر تويتر بعد أزمتها مع شقيقها.. ومتابعون: قصتها تصعب على الكافر
تصدَّرت هشتاج #كلنا_ شيرين موقع التدوينات القصير "تويتر"، بعد تعرضها للاعتداء من قبل شقيقها، والذى وصفها بأنها مدمنة مخدرات، موضحًا: "حكاية شيرين عبد الوهاب معقدة خالص، وأختي بتتعرض لخطة سيئة من حسام حبيب وسارة الطباخ، وأختي بتنهار وبتضيع، وأنا لا ضربتها ولا اعتديت عليها".
واستنكر نشطاء موقع التواصل الاجتماعي "تويتر"، الواقعة، وقالت هيا: "أنا بجد زعلانة وحزينة من كل قلبي الكل طمعان في البيضة اللي بتجيب فلوس سواء طليق ولا أخ وحبيبتي مش مستحملة نفسيتها أصلًا ربنا يحفظها لبناتها أنا بقول لشيرين لو هتاخد بناتها وتعيش بعيد لوحدها وتبعد عن كل حاجة فترة كبيرة أفضلها أنا بتكلم لمصلحة شيرين الإنسانة #كلنا_شيرين".
أسفة
وقالت سارة: "أسفة لك على كل شيء تمرين فيه وعلى كل أحد سيئ مر بحياتك على كل مشكلة مرت وما بيدنا شيء نسويه، بس افتكري دائمًا في ناس كثيرة معاك وواقفة بظهرك لآخر يوم بعمرها ومستحيل تتركك لو ايش يصير إنتي دائمًا تسعين بأنك تسعدينا وإحنا عمرنا ما هنترك وبأصعب فتراتك، أحبك😔 #كلنا_شيرين".
وأضاف سامح عسكر: "أخو #شيرين_عبد الوهاب بدل ما يهوِّن عليها بعد طلاقها ضربها عشان اتنازلت عن القضايا ضد طليقها.. ولما تحصل منها ردة فعل يقوم يحجزها في مستشفى أمراض عقلية ونفسية.. شوفت انحطاط عائلي كتير وقضايا قتل وحجر، بس القسوة دي ع الأخت المنفصلة مشوفتهاش الحقيقة.. كل الدعم لشيرين".
وتابع آخر: "شيرين القصص اللي في حياتها تصعب على الكافر والله.. إيه ده!".
شقيق الفنانة شيرين عبد الوهاب
قال محمد عبد الوهاب، شقيق الفنانة شيرين عبد الوهاب: "حكاية شيرين عبد الوهاب معقدة خالص، وأنا دلوقت أختي بتتعرض لخطة سيئة من حسام حبيب وسارة الطباخ، وأختي بتنهار وبتضيع، وأنا لا ضربتها ولا اعتديت عليها".
وتابع خلال مداخلة هاتفية ببرنامج "الحكاية" الذي يقدمه الإعلامي: "حسام حبيب رجع لشيرين عبد الوهاب خلال الفترة الأخيرة وجابلها العربية بتوكيل، وتنازلت عن القضايا، وهو لم يتنازل عن ولا قضية وضحكوا عليها، وبعد كده رجعوا لبعض وبيتكملوا مع بعض على الواتس آب، وبعد كده شيرين كانت مأجرة شقة في التجمع وهي دي الشقة اللي أنا رحت أجيبها منها، وجيبتها لأنها كانت بتتعاطى مخدرات هي وحسام حبيب، والنيابة العامة تحقق مع المستشفى اللى شيرين بتتعالج فيها".
وأكد: "عندما ذهبت لشقة التجمع لم أعتدِ على شيرين عبد الوهاب، والمتخصصين في المستشفى هما اللى أخدوها من أجل العلاج الإلزامي، وهي بتتعاطى مخدرات منذ فترة وأمي عارفة الكلام ده".
تعاطي شيرين عبد الوهاب للمخدرات
ولفت: "دخلت شيرين عبد الوهاب المستشفى دخولًا إلزاميًّا لأنها تتعاطى المخدرات، وتقارير المستشفى أكدت تعاطيها المخدرات، وتخضع حاليًا للعلاج الإلزامي".
بكاء والدة شيرين عبد الوهاب
وأشار: "والدتي عيطت وقالت لي أنقذْ أختك من المخدرات، ولو رقبتي هتطير مش هخرج شيرين عبد الوهاب من المستشفى إلا لما تتعالج وتخف".
بكاء شقيق شيرين
ودخل في نوبة بكاء على الهواء، قائلًا: "لآخر يوم في عمري مش هسيب شيرين إلا لما تتعالج وأنقذها من عصابة الشر وترجع لفنها وولادها وحياتها الطبيعية".
