التصنيع يبدأ من أغسطس.. اعرف إزاي حلاوة المولد بتتعمل | فيديو
يُعد المولد النبوي الشريف هو الموسم السنوي الذي تزدهر فيه صناعة الحلويات، حيث تعتبر حلوى المولد هي أحد أهم مظاهر الاحتفال بذكرى المولد النبوي في مصر عمومًا.
أصحاب محلات الحلويات يستعدون لهذا الموسم منذ فترة وهو ما أكده أحمد مصطفى صاحب مصنع للحلويات حيث قال: "بنصنع حلاوة المولد النبوي من شهر أغسطس للتجار عشان احنا بنوزع جملة وبنشتغل للقطاعي من منتصف سبتمبر وعندنا كمان معارض حلواني شرقي وغربي".
وأضاف أنه بعد موسم حلاوة المولد يتم تغيير طبيعة العمل في المصنع وذلك من أجل تصنيع اللبان والتوفي والمصاصة وقال: "احنا بدأنا الصنعة دي من السبعينات الحاج مصطفى ربنا يديله الصحة هو اللي بدأ من الصفر وبدأ من صنايعي وبعد كده خد محل وبعد كده مصنع واحنا ولاده وكلنا شغالين معاه والأحفاد كلهم في الدراسة وأولاده كلهم في الصنعة".
وعن تصنيع حلاوة المولد أوضح أحمد مصطفى أن 70 % من حلاوة المولد بها سكر وعسل ومعاهم جوز الهند أو السوداني والحمص والسمسم والمكسرات زي الكاجو والفستق والبندق وقال: "بالنسبة للتصنيع الدنيا تطورت دلوقتِ وكلها بقت خطوط إنتاج للعلف (السمسم والسوداني والحمص) وتتم تسوية السكر والعسل ويتم خلط العلف مع السكر ويدخلوا على خط الانتاج تقطيع وفرد وتغليف".
وعن الموضة الجديدة في حلاوة المولد قال: " الشكلمة بالشكولاتة البيضا والسودا والعلف السكينة بالشوكولاتة والجيرسي والقشطة بالشوكولاتة ومعظم الشغل تغطيس في الشوكولاتة".
