وفاء مكي باكية علي الهواء بسبب هشام سليم: بهدلوه وقهروه|فيديو
دخلت الفنانة وفاء مكي في نوبة بكاء علي الهواء، حزنا علي وفاة الفنان هشام سليم، قائلا:" ربطتني به صداقة طويلة وسافرنا كثيرا سويا في رحلات تصوير وشوفت قد ايه اخلاقه جميلة وبني اَدم جميل وكان في حاله ومأذاش حد".
حكايات السوشيال ميديا عن هشام سليم
وتابعت خلال لقائها ببرنامج “كلام الناس” المذاع علي قناة “ام بي سي مصر”:"زعلانة علشان البهدلة اللى اتعرض لها هشام سليم علي السوشيال ميديا بعد رحيله، وشوية كمان هينزلوا معاه قبره علشان يشوفوا بيتحاسب ازاي، هو كان انسان جدع وبيعمل اعمال خير كتير، مش كفاية بهدلوه في آخر أيامه وقهروه على بناته"
رسالة وفاء مكي لرواد السوشيال ميديا
وأكملت:"الرحمة حلوة وارحموا من في الأرض يرحمكم من في السماء، انا وصلت إني مبقتش ليا علاقة بالسوشيال ميديا لإنها بتنتهك حرمات الناس وبيتدخلوا في خصوصيات الناس وكل ده علشان الترند والفلوس".
اعتزال السوشيال ميديا
ولفتت:"اخدت عهدا علي نفسي اني مفتحش السوشيال ميديا، الموت له حرمة وياريت الناس تبطل تتكلم عن امواتنا".
