وفاء مكي: لم أتزوج إلا مرة واحدة..وهذه حقيقة ارتدائي الحجاب
قالت الفنانة وفاء مكي:"الحجاب لا عيب ولا سبة ولا غلط ولا قلة أدب، كنت بعمل برنامج ديني وكنا بنصور في مصر الجديدة والشيخ وقتها قاللى ياريت تلبسي ايشارب علشان فيه قراَن وكلام ديني وقتها نزلت بعربيتي واشتريت غطاء للرأس، وانا احتراما للاَيات القراآنية في البرنامج ولديني لبست ايشارب قصير، إنما انا ملبستش حجاب".
زواج وفاء مكي
وتابعت خلال لقائها ببرنامج "كلام الناس" المذاع علي قناة "ام بي سي مصر":"اتخطبت لحد ومكنش فيه نصيب، وبعدين اتجوزت مرة واحدة اللى هو والد عمر ابني وكان لواء وتوفى، ومش صح اني اتجوزت 3 مرات".
ابن وفاء مكي
ولفتت:"كرست حياتي كلها لعمر ابنى، ومش عايزة اتجوز واحد يبص لعمر ابني نظرة تزعله، ابني حساس معنديش استعداد اجيبله راجل يضايقه ويزعله، وانا راضية بحالي دلوقتي".
الشائعات عن وفاء مكي
وأشارت:"انا قافلة بابي عليا ومبسمعش الشائعات اللى بتتقال عني، انا بشتري دماغي وساعات باكون عايزة اقول حاجة حلوة بخاف تتفهم غلط".
