زينة: ربنا بيسترنا كتير ولكن لما نتمادى في الغلط بيشيل الستر عننا

قالت الفنانة زينة: "رسالة مسلسل "الليلة واللي فيها" ورسالة الحياة بشكل عام مفادها أكيد ربنا بيسترنا كتير أوي وبيستر اللي بيدعي له، ولكن لما نتمادى في الغلط ربنا بيشيل الستر عننا".

شخصية زينة

وتابعت خلال لقائها ببرنامج "الحكاية" الذي يقدمه الإعلامي عمرو أديب بقناة "mbc مصر": "الشخصية اللي عملتها في مسلسل "الليلة واللي فيها" إنها كانت عايزة تحافظ على بيتها وجوزها، ولكنها كانت عايشة مش مبسوطة ولما ربنا شال عنها الستر في المسلسل، قالت أنا مش كويسة ومحمدتش ربنا على النعمة اللي كنت فيها". 

الجزء الثاني من مسلسل "الليلة واللي فيها"

ولفتت: "المسلسل يستحمل جزءا ثانيا، مشوفتش في حياتي في جمال الفنانة سماح أنور في مسلسل الليلة واللى فيها".
 

قصة مؤلف المسلسل

من جانبه، قال محمد رجاء مؤلف مسلسل "الليلة واللي فيها": "من الأول قررت أكتب مسلسلا نفسيا عن حالة نفسية خاصة، وفي نفس الوقت كنا عايزين الحلقة مشحونة وفيها أحداث وكأننا بنكتب فيلم مكثف، وده اللي خلى مع الوقت الشخصيات شايلة هموم".

موعد عرض الحلقة الأخيرة من مسلسل الليلة واللي فيها

هل الحلقة القادمة هي آخر حلقات مسلسل الليلة واللي فيها؟

وتابع خلال نفس اللقاء: "كل شخصيات المسلسل فيها جوانب مظلمة وجوانب أخرى مضيئة، نقطة بيضاء ونقطة سوداء، ولكن علشان المسلسل نفسي راح ناحية الجوانب المظلمة".