شريف عامر ردًا على انتقاد ميدو للأطباء: أتوقع ما حدث لك استثناء
رد الإعلامي شريف عامر على انتقاد أحمد حسام ميدو، لاعب منتخب مصر ونادي الزمالك السابق، القطاع الطبي في مصر، بسبب رفض بعض المستشفيات استقبال والد زوجته لعدم وجود أطباء بسبب إجازة العيد.
وكتب الإعلامي شريف عامر، على صفحته الشخصية بموقع التدويانات القصيرة "تويتر" ردًا على ميدو: “اولا، ربنا يشفي كل مرضاك، ومرضانا.. والدي في الرعاية المركزة من قبل العيد بيوم. دخل بدون وجودي مستشفى تابع للمجالس الطبية، المتخصصة من فجر العيد، ومازال.اعايش الاطباء منذ ٣ سنوات بشكل يومي.ربنا يشفي الناس كلها.. شبه متأكد ان اللي حصل معاك غلط لكن كمان استثناء”.
وأضاف عامر،:" الناس بتحارب حرفيا ظروفها الصعبة وظروف المرض والمرضى.. انا وصلت مستشفى العلمين قبل العيد كانت فاضية الا من الدكاترة. دلوقتي المستشفى مفيهاش مكان، والدكاترة ما بيناموش، وشاهد على حرب الظروف مع غيري قبلي.
ربنا يشفي حماك العزيز، ويشفي كل مريض..دعواتك".
ميدو ينتقد القطاع الطبي
وكان أحمد حسام ميدو، لاعب منتخب مصر ونادي الزمالك السابق، أثار حالة من الجدل خلال الساعات الماضية، بعدما انتقد القطاع الطبي في مصر، بسبب رفض بعض المستشفيات استقبال والد زوجته لعدم وجود أطباء بسبب إجازة العيد.
ووصف أحمد حسام ميدو الواقعة خلال بث مباشر عبر حسابه على موقع “إنستجرام”، بـ"المهزلة"، مؤكدًا أنه خلال قضاء عطلة في الساحل الشمالي، تعرض والد زوجته لوعكة صحية وذهب إليه في القاهرة لنقله إلى المستشفى، لكنه تفاجأ أن المستشفيات ترفض استقباله ولا يوجد أطباء.
وقال ميدو: "تخيلوا إن القطاع الطبي في مصر معظم الدكاترة بيوصوا الدكاترة الصغيرين ما يبعتوش شغل في العيد عشان هما في إجازة، دا اسمه كلام؟ يبقى ما يستحقوش يلبسوا البالطو الأبيض، تخيلوا إن الناس ممكن تموت عشان الدكاترة في إجازة".
وأضاف: “خلوا بالكم أنكم بتتكلموا عن شخص الحمد لله ميسور الحال ميسور ويقدر يدخل مستشفى خاص، تخيلوا بقى الغلابة، الدكاترة اللي بيروحوا إجازات ماشي أنت من حقك تاخد إجازة، بس إزاي مفيش سيستم إن يبقى لازم في دكاترة في كل تخصص موجودين للطوارئ”.
واستنكر ميدو الأمر: "هي الناس ما بتتعبش في الإجازات، الناس ممكن تموت في أي وقت، القطاع الطبي في مصر مهزلة وبكلمكم على مستشفيات كبيرة، أنا بقولكو على مسؤوليتي ومن خلال تجربة شخصية القطاع الطبي في مصر فاشل والدكاترة معظمهم معندهمش ضمير”.
