الناس بتتعب وبتموت في العيد برضه.. ميدو ينتقد القطاع الطبي ويهاجم المسؤولين عن المستشفيات
أثار أحمد حسام ميدو، لاعب منتخب مصر ونادي الزمالك السابق، حالة من الجدل خلال الساعات الماضية، بعدما انتقد القطاع الطبي في مصر، بسبب رفض بعض المستشفيات استقبال والد زوجته لعدم وجود أطباء بسبب إجازة العيد.
ميدو ينتقد القطاع الطبي
ووصف أحمد حسام ميدو الواقعة خلال بث مباشر عبر حسابه على موقع “إنستجرام”، بـ"المهزلة"، مؤكدًا أنه خلال قضاء عطلة في الساحل الشمالي، تعرض والد زوجته لوعكة صحية وذهب إليه في القاهرة لنقله إلى المستشفى، لكنه تفاجأ أن المستشفيات ترفض استقباله ولا يوجد أطباء.
وقال ميدو: "تخيلوا إن القطاع الطبي في مصر معظم الدكاترة بيوصوا الدكاترة الصغيرين ما يبعتوش شغل في العيد عشان هما في إجازة، دا اسمه كلام؟ يبقى ما يستحقوش يلبسوا البالطو الأبيض، تخيلوا إن الناس ممكن تموت عشان الدكاترة في إجازة".
وأضاف: “خلوا بالكم أنكم بتتكلموا عن شخص الحمد لله ميسور الحال ميسور ويقدر يدخل مستشفى خاص، تخيلوا بقى الغلابة، الدكاترة اللي بيروحوا إجازات ماشي أنت من حقك تاخد إجازة، بس إزاي مفيش سيستم إن يبقى لازم في دكاترة في كل تخصص موجودين للطوارئ”.
واستنكر ميدو الأمر: "هي الناس ما بتتعبش في الإجازات، الناس ممكن تموت في أي وقت، القطاع الطبي في مصر مهزلة وبكلمكم على مستشفيات كبيرة، أنا بقولكو على مسؤوليتي ومن خلال تجربة شخصية القطاع الطبي في مصر فاشل والدكاترة معظمهم معندهمش ضمير”.
رفض التعليق
وكان أحمد حسام "ميدو"، رفض الحديث عن ترك مدرب فيوتشر علي ماهر المباراة للأهلي، قائلًا الحديث عن "تفويت" المباراة أصبح سيئا وغير مجد، مؤكدًا أن علي ماهر كان يريد أن يكسب المباراة أمام الأهلي.
وكتب أحمد حسام "ميدو" تغريدة على تويتر "#الأهلي ظهر بصورة البطل في مباراة أمس لأول مرة منذ فترة طويلة هذا الموسم.. الفريق يضغط بشكل أفضل وواضح جدًّا علاقة اللاعبين الجيدة بسواريش.. أهم مكسب في المباراة هو #حسام_حسن يقاتل على كل كرة ويتحرك بشكل جيد.. أخيرًا #الأهلي يلعب بمهاجم رقم ٩ مقاتل وهو ما خدم كل خط الهجوم."
وقال "الحديث عن التفويت بقى دمه تقيل وشغل عيال صغيرة.. #علي_ماهر اكتر واحد كان عايز يكسب امبارح لو كان كسب امبارح كان ممكن يكون ابرز مرشح لتدريب الأهلي حال إخفاق سواريش.. مين فيكم ممكن يتنازل عن حلمه علشان ٣ نقط؟".
