بعد استبعاد الإخوان من الحوار الوطني.. عمرو أديب لـ السيسي: ريحت قلبي يا شيخ
علق الإعلامي عمرو أديب، على تصريح الرئيس عبد الفتاح السيسي باستبعاد جماعة الإخوان من الحوار الوطني بعد رفضهم اقتراح إنقاذ البلاد في 3 يوليو 2013 وتهديدهم بالقتل.
راحة قلب عمرو أديب
وقال عمرو أديب خلال برنامج “الحكاية” المذاع على قناة “mbc مصر”: "بقول للرئيس السيسي بعد استبعاد الإخوان من الحوار الوطني ريحت قلبي يا شيخ لما قلت استثناء الإخوان من الحوار الوطني
ده انا كان قلبي وصدري مولع لإني كنت مقلق من بعض الناس اللى بتنادي بوجودهم".
إقصاء الإخوان من الحوار الوطني
وأضاف: "الحمد لله إنهم لا كملوا ولا بقوا فصيل سياسي موجود والي جهنم ونخلص منهم إلى الأبد دول سرطان، والى ميعرفهمش دول ملهومش علاقة بـ الله وعرفنا قصتهم ومين اللى بيحركم".
الوطن عن الإخوان
وتابع: "أنا استريحت الحمد لله كمواطن انهم مش معانا في الحوار الوطني وهما لا يزودوا ولا ينقصوا.. الإخوان ده الحرامي اللى مش عايزينه يكون معانا في الأتوبيس، لأن وجودهم نخر في الدولة، وخش أي موقع اخواني حاول تلاقى أي حد فيهم بيتكلم عن الوطن ومصر مش هتلاقي".
تصريح الرئيس السيسي
وقال الرئيس عبد الفتاح السيسي، خلال لقائه بالإعلاميين أثناء افتتاح مشروع القطار الكهربائي السريع: "أطلقنا الحوار الوطني لمشاركة كل المفكرين والمثقفين والنقابات والقوى السياسية باستثناء الإخوان لأن إحنا في 3 يوليو 2013 آخر حاجة علمتها تركت عليهم تصور ومقترح لتجاوز أزمة مصر وقتها قلت إننا نعمل انتخابات رئاسية مبكرة ونعطي للشعب فرصة يقول رأيه وقلت لهم انتوا بتقولوا إن ليهكم مؤيدين واللى بيحصل مؤامرة طيب خلونا نكتشف المؤامرة ونعمل انتخابات رئاسية مبكرة مرة تانية ولو الشعب جابوكم خلاص ولو مجتوش تبقوا جزء من العملية السياسية وكان ردهم لأ والتهديد بالقتل، يبقى النهاردة الأرضية المشتركة اللي بتجمعنا من الحوار والنقاش مش موجودة لأن أنا بتكلم في حوار وهو بيتكلم في قتل، وكانوا عايزين ياخدوا البلد بالقوة مع انه كان هياخدها أشلاء وبعد 8 سنين من الكفاح المرير الحمد لله ربنا وفقنا لما وصلنا إليه الآن".
