رضا عبد العال: مجلة الزمالك وراء انتقالي للأهلي | فيديو

قال الكابتن رضا عبد العال، لاعب الأهلي والزمالك السابق: "أول مباراة ليا مع الأهلي ضد الزمالك كانت السوبر الأفريقي في جوهانسبرج والأحمر اتغلب، ووقتها كنت خايف أباصي الكورة للاعيبة الزمالك".
 

خسارة الأهلي أمام الزمالك

وأضاف خلال لقائه ببرنامج "اللعيب" الذي يقدمه الإعلامي مهيب عبد الهادي بقناة "إم بي سي مصر": "الماتش التاني ليا مع الأهلي ضد الزمالك، الأهلي اتغلب، بهدفي محمد صبري وإمانويل، وطول الماتش بفكر أني أباصي للفانلة الحمراء مش البيضاء لأن حبي في الأول كان للزمالك".

سبب انتقال رضا عبد العال للأهلي

وتابع: "قبل الانتقال للأهلي كان جايلي الرائد السعودي لكن العند ومجلة نادي الزمالك كانت السبب الرئيسي في اللعب للأهلي، وكتبوا حاجات ضدي خلتني أصريت أن أنتقل للأهلي".

رضا عبد العال: اتعملي سحر وكنت بشوف كل اللاعبين لابسين أبيض في أبيض

رضا عبد العال: بداية مصطفى شوبير أفضل من والده

وقال رضا عبد العال، نجم الأهلي والزمالك السابق، في تصريحات سابقة: إن بعض المدربين لديهم قناعات أن "الأعمال والسحر" يفرق في نتيجة المباريات.

وأضاف فى تصريحاته لبرنامج "البريمو" المذاع على قناة "تن": "اتعملي سحر قبل كده إني أشوف فريق الزمالك والفريق الآخر لابسين أبيض ومعرفش أميزهم، كان مقصودا بالسحر وقف حالي".

وكان الكابتن رضا عبد العال، نجم النادي الأهلي والزمالك السابق قال في تصريحات سابقة: "ضغطي عالي من يوم ما إيهاب جلال مسك منتخب مصر".
 

تصريح كيروش ضد لاعبي مصر

وأضاف خلال لقائه ببرنامج "كلام الناس" المذاع على قناة "إم بي سي مصر": "اتحاد الكرة جاي امبارح يرشحونا كخبراء علشان مستقبل الكرة في مصر طيب ليه مجيبتوناش قبل إيهاب جلال لو إنتو عايزين تصلحوا بعد كيروش الفاشل اللي بيقطع فينا دلوقتي ويقول إن اللعيبة مبتعرفش تباصي بنسبة 95% أمال أنت كخبير عملت إيه".
 

فشل كيروش واتحاد الكرة

وتابع: "كيروش ضيع مننا تاريخ كبير كنا ممكن نعمله بالفوز بالبطولة العربية وبطولة أفريقيا والتأهل لكأس العالم 2022 وللأسف ما خدناش حاجة".
 

حلول مباراة السنغال

ولفت: "قلت هبوس إيد كيروش لو خد أي بطولة مع منتخب مصر وإيده اتقطعت، وفي ماتش السنغال ما عملناش حلول في ماتش السنغال وسبب ضياع حلم المونديال".

المؤامرة على حسام البدري

وأشار: "حسام البدري اتظلم واللي بيحصل دلوقتي نتيجة تعرضه للظلم لأنه ما حصلش على فرصته كاملة ورفضوا يعملوا له مباريات ودية، واتعملت عليه مؤامرة علشان يمشي، وكانوا قاصدين يفشلوه، ولو هو كان موجود كان المنتخب هيبقى أحسن وياخد على الأقل بطولتين".