رضا عبد العال: اتعملي سحر وكنت بشوف كل اللاعبين لابسين أبيض في أبيض
قال رضا عبد العال، نجم الأهلي والزمالك السابق: إن بعض المدربين لديهم قناعات أن "الأعمال والسحر" يفرق في نتيجة المباريات.
وأضاف فى تصريحاته لبرنامج "البريمو" المذاع على قناة "تن": "اتعملي سحر قبل كده إني أشوف فريق الزمالك والفريق الآخر لابسين أبيض ومعرفش أميزهم، كان مقصودا بالسحر وقف حالي".
وكان الكابتن رضا عبد العال، نجم النادي الأهلي والزمالك السابق قال في تصريحات سابقة: "ضغطي عالي من يوم ما إيهاب جلال مسك منتخب مصر".
تصريح كيروش ضد لاعبي مصر
وأضاف خلال لقائه ببرنامج "كلام الناس" المذاع على قناة "إم بي سي مصر": "اتحاد الكرة جاي امبارح يرشحونا كخبراء علشان مستقبل الكرة في مصر طيب ليه مجيبتوناش قبل إيهاب جلال لو إنتو عايزين تصلحوا بعد كيروش الفاشل اللي بيقطع فينا دلوقتي ويقول إن اللعيبة مبتعرفش تباصي بنسبة 95% أمال أنت كخبير عملت إيه".
فشل كيروش واتحاد الكرة
وتابع: "كيروش ضيع مننا تاريخ كبير كنا ممكن نعمله بالفوز بالبطولة العربية وبطولة أفريقيا والتأهل لكأس العالم 2022 وللأسف ما خدناش حاجة".
حلول مباراة السنغال
ولفت: "قلت هبوس إيد كيروش لو خد أي بطولة مع منتخب مصر وإيده اتقطعت، وفي ماتش السنغال ما عملناش حلول في ماتش السنغال وسبب ضياع حلم المونديال".
المؤامرة على حسام البدري
وأشار: "حسام البدري اتظلم واللي بيحصل دلوقتي نتيجة تعرضه للظلم لأنه ما حصلش على فرصته كاملة ورفضوا يعملوا له مباريات ودية، واتعملت عليه مؤامرة علشان يمشي، وكانوا قاصدين يفشلوه، ولو هو كان موجود كان المنتخب هيبقى أحسن وياخد على الأقل بطولتين".
واقترب إيهاب جلال المدير الفني لمنتخب مصر، من الرحيل بعد الخسارة أمام كوريا الجنوبية 4-1 وديا ومنتخب إثيوبيا بهدفين نظيفين، في التصفيات المؤهلة لنهائيات بطولة أمم أفريقيا 2023 المقرر إقامتها في كوت ديفوار.
