صفوة: فكرت في الانتحار.. واعتزلت الرقص زي لعيبة الكورة عند 35 عاما
قالت الفنانة صفوة: "قررت الاعتزال من سنتين وفكرت في الانتحار لأن ما عنديش حد يدعمني نفسيًّا خصوصًا بعد وفاة أقرب أصدقائي من الفنانين".
مشوار صفوة الفني
وأضافت خلال لقائها ببرنامج “كلام الناس” المذاع على قناة “إم بي سي مصر”: "أنا غير راضية عن مشواري الفني لأنه لم يضف لي شيئًا".
وضع السينما
ولفتت: "فشلت أن أكون ست بيت لأن مش هي دي طبيعتي، وللأسف وضع السينما والفن دلوقت مش كويس، إنما وضع السينما الأول كان فيه رقي".
صفوة تعتزل الرقص
وأشارت: "ما بفكرش أرجع أرقص تاني لأننا زي لعيب الكورة بنعتزل عند 35 سنة، وكان لازم أعتزل في مرحلة عمرية علشان أسيب صورة حلوة عند الناس".
وقالت الفنانة صفوة، في نفس اللقاء: "مريت بحالة اكتئاب وابتعدت عن الناس بسبب ندمي على بعض أدواري التمثيلية، وتقوقعت الفترة الماضية وقفلت على نفسي".
اكتئاب صفوة
وأضافت: "قعدت بعد فيلم “هي فوضى” 5 سنين في البيت وما كنتش بستقبل تليفونات من أي حد ودخلت في حالة اكتئاب".
أزمة مشهد فيلم هي فوضى
ولفتت: "لما فيلم “هي فوضى” اتعرض زعلت من نفسي وندمت على دوري في الفيلم ومش بحب أفتكره، والمشهد اللي ضايقني في الفيلم واتسبب في بكائي بتاع الكوافير اللي كنت أنا والفنان الراحل خالد صالح فيه".
مشهد خالد صالح
وتابعت: فيلم “هي فوضى” عبقري بكل مشاهده وإخراجه، ولكن المشهد الخاص بي مع خالد صالح تسبب في بكائي عند العرض الأول وندمت على تمثيله.
