لهذا السبب.. الجمهور يبحث عن حنان ترك
تصدرت الفنانة المعتزلة حنان ترك محرك البحث جوجل ومواقع التواصل الاجتماعي، وذلك بعد خروجها لأول مرة في بث مباشر عبر صفحتها الرسمية على موقع التواصل الاجتماعي "فيس بوك".
حنان ترك تحدثت في البث المباشر عن الكثير من الأمور، وكواليس مرضها خلال الفترة الأخيرة، حيث تم تداول تصريحاتها بشكل واسع عبر مواقع التواصل، واثارت اهتمام الرواد والنشطاء، وبعض الصفحات التي تهتم بأخبار الفن والنجوم.
مرض حنان ترك
وقالت حنان ترك: "أنا أعاني من دور برد منذ أسبوع، وصوتي تعبان بسبب البرد".
صحابي زعلوا مني
الفنانة حنان ترك أكدت إنها شعرت بضيق بسبب اعتقاد بعض أصدقائها ومن كانوا مقربين منها، بأن ما تنشره الصفحات الغير موثقة والتي تنتحل شخصيتها صادر بالفعل عنها.
وأضافت في البث المباشر: "صعب عليا نفسي أوي أوي لما أصحابي وحبايبي اللي يعرفوني كويس زعلوا مني، من حاجات أنا ماليش علاقة بيها وعمري ما قلتها، اتاخدت كده من جوايا معقولة نسيوني أوي للدرجة دي ممكن يفتكروا اني ممكن أقول الكلام ده، خدت على خاطري منهم جامد، الحمد لله عرفت أوثق الصفحة بتاعتي وكل الصفحات التانية معظمها تراجعوا وغيروا الاسم".
وتابعت: "أنا مش هسكت خالص ولو حد عنده الشجاعة الأدبية وكتب أي بوست يلغي البوست ده ويشيله تماما لان هبتدي اخد إجراءات".
حنان ترك: أنا جاهلة سياسيا
وقالت حنان ترك أيضا: "عايزاكم تساعدونى على أى حد بيتكلم باسمى.. إنتوا اللى تقفوا لأنكوا عارفين حنان ممكن تقول إيه ومتقولش إيه لأن كان في صفحات كتير باسمى بيتكلموا باسمى فى الدين وفى السياسة.. وأنا مليش علاقة بيها وعمري ما أنزل بوستات بالشكل ده".
واختتمت: "أولًا سياسيًا أنا جاهلة جدًا ومعنديش وعي سياسى أني أعرف أقول اعملوا حاجة أو متعملوش ومعنديش الثقافة اللى تخلينى أنظر سياسيًّا، أما بالنسبة للدين قلتها زمان وهقولها تانى أنا درست علوم شرعية على سبيل النجاة لا على سبيل الدعاء، والدعوى دى موضوع كبير جدا ومحتاج علم وفقه مش أي حد يقدر يعملها، أنا فين والكلام الكبير ده فين".
