شادي محمد: هتجوز في الوقت المناسب.. والست اللي معايا بتبقى هانم | فيديو
قال شادي محمد، مدافع النادي الأهلي ومنتخب مصر السابق: "بعاقب نفسي وأنا عايش وحيد بدون تكرار تجربة الزواج، ولكن بحسب ساعات الوحدة ميزتها أن فيها خصوصية الأسرار والحياة بشكل عام".
سبب عدم زواج شادي محمد
وتابع خلال الجزء الثاني من لقائه ببرنامج "ضرب نار" الذي تقدمه داليا فؤاد بقناة "القاهرة والناس": "أنا بكره الظلم جدا، ومش عايز أظلم حد معايا علشان كده متجوزتش لحد دلوقتي منذ انفصالي عن طليقتي لأني مكنتش مهيأ للارتباط".
الوقت المناسب للزواج
وأضاف: "هتجوز في التوقيت المناسب، والست اللى بتبقي معايا بتكون هانم وفي حتة تانية، وأنا شادي محمد، ومش هتكلم عن انفصالي عن طليقتي".
وقال الكابتن شادي محمد، مدافع النادي الأهلي ومنتخب مصر السابق، في نفس اللقاء: "2018 أسوأ سنة في حياتي مريت فيها بظروف صعبة، وشوفت فيها دروس بالحياة ولقيت أصدقاء حاقدين وعلشان كده أعدت حساباتي في كل حياتي".
أزمة شادي محمد المالية
وأضاف: "لما قعدت في بيتي سنتين مدخلش جيبي جنيه".
ولفت: "بعد ما مريت بفترة صعبة، وقفت مع نفسي وقفة قوية بعد لما فيه ناس راهنت على فشلي، لكن استعنت بربنا علشان أرجع أقوى من الأول، وقعدت مع أولادي سنة ونصف واخد بالي منهم وأنا اللى بربيهم وكنت الأب والأم بالنسبة لهم".
وكشف الكابتن شادي محمد مدافع النادي الأهلي ومنتخب مصر السابق، في نفس اللقاء، عن اسم إعلامي متلون وليس لديه مبدأ.
مشكلة خالد الغندور
وقال شادي محمد: "هقول على اسم إعلامي زعلان منه رغم أنه صديق، ولكن مينفعش يبقى فيه ضيوف قاعدة وهو بيتبنى وجهة نظر واحدة وما ينصفش الطرف الاَخر اللى مش موجود في الإستوديو، إلى جانب إنه ما بيراعيش الصداقة ولا بيحافظ على العيش والملح، الاسم هو خالد الغندور لأنه مرعاش العيش والملح".
إهانة شادي محمد وضحك الغندور
وتابع: "خالد الغندور ما خلاش باله من إهانتي في إحدى حلقات برنامجه، واللى عمله معايا عيب يحصل، وما ينفعش يتغلط فيَّ ويبقى قاعد يضحك، ومش أنا الشخصية دي وأنا راعيت العيش والملح وما كنتش عايز أرد على لأن الصمت لغة العظماء وأنا مش هرد عليه تاني".
