شادي محمد: قعدت سنتين مادخلش جيبي جنيه وفي ناس راهنت على فشلي |فيديو
قال الكابتن شادي محمد، مدافع النادي الأهلي ومنتخب مصر السابق: "2018 أسوأ سنة في حياتي مريت فيها بظروف صعبة، وشوفت فيها دروس بالحياة ولقيت أصدقاء حاقدين وعلشان كده أعدت حساباتي في كل حياتي".
أزمة شادي محمد المالية
وأضاف خلال لقائه ببرنامج "ضرب نار" الذي تقدمه داليا فؤاد بقناة "القاهرة والناس": "لما قعدت في بيتي سنتين مدخلش جيبي جنيه".
فترة صعبة عاشها شادي محمد
ولفت: "بعد لما مريت بفترة صعبة، وقفت مع نفسي وقفة قوية بعد لما فيه ناس راهنت على فشلي، لكن استعنت بربنا علشان أرجع أقوى من الأول، وقعدت مع أولادي سنة ونصف واخد بالي منهم وأنا اللى بربيهم وكنت الأب والأم بالنسبة لهم".
وكشف الكابتن شادي محمد مدافع النادي الأهلي ومنتخب مصر السابق، في نفس اللقاء، عن اسم إعلامي متلون وليس لديه مبدأ.
مشكلة خالد الغندور
وقال شادي محمد: "هقول على اسم إعلامي زعلان منه رغم أنه صديق، ولكن مينفعش يبقى فيه ضيوف قاعدة وهو بيتبنى وجهة نظر واحدة ومينصفش الطرف الاَخر اللى مش موجود في الإستوديو، إلى جانب انه مبيراعيش الصداقة ولا بيحافظ على العيش والملح، الاسم هو خالد الغندور لأنه مرعاش العيش والملح".
إهانة شادي محمد وضحك الغندور
وتابع: "خالد الغندور مخلاش بالى من إهانتي في إحدى حلقات برنامجه، واللى عمله معايا عيب يحصل، ومينفعش يتغلط فيا ويبقى قاعد يضحك، ومش أنا الشخصية دي وأنا راعيت العيش والملح ومكنتش عايز أرد على لأن الصمت لغة العظماء وأنا مش هرد عليه تاني".
