شادي محمد: حسام غالي ممكن يبقى رئيس الأهلي ولو أترشح هقف معاه | فيديو
قال الكابتن شادي محمد مدافع النادي الأهلي ومنتخب مصر السابق: حسام غالي عضو مجلس إدارة الأهلي في المستقبل سيصبح رئيس القلعة الحمراء.
رئيس النادي الأهلي في المستقبل
وأضاف خلال الجزء الثاني من لقائه ببرنامج "ضرب نار" الذي تقدمه الإعلامية داليا فؤاد بقناة "القاهرة والناس": "حسام غالي الأفضل إداريًّا حاليًّا وممكن يبقى رئيس النادي الأهلي ولو اترشح هقف معاه".
نجاح حسام غالي
وتابع: "حسام غالي كابتن من كباتن النادي الأهلي وهو أخ عزيز والكل يحترمه، وكاريزما، وأخلص للنادي، وواثق من نجاحه حال أصبح رئيسا للنادي الأهلي".
وقال الكابتن شادي محمد، مدافع النادي الأهلي ومنتخب مصر السابق، في نفس اللقاء: "2018 أسوأ سنة في حياتي مريت فيها بظروف صعبة، وشوفت فيها دروس بالحياة ولقيت أصدقاء حاقدين وعلشان كده أعدت حساباتي في كل حياتي".
أزمة شادي محمد المالية
وأضاف: "لما قعدت في بيتي سنتين مدخلش جيبي جنيه".
فترة صعبة عاشها شادي محمد
ولفت: "بعد لما مريت بفترة صعبة، وقفت مع نفسي وقفة قوية بعد لما فيه ناس راهنت على فشلي، لكن استعنت بربنا علشان أرجع أقوى من الأول، وقعدت مع أولادي سنة ونصف واخد بالي منهم وأنا اللى بربيهم وكنت الأب والأم بالنسبة لهم".
وكشف الكابتن شادي محمد مدافع النادي الأهلي ومنتخب مصر السابق، في نفس اللقاء، عن اسم إعلامي متلون وليس لديه مبدأ.
مشكلة خالد الغندور
وقال شادي محمد: "هقول على اسم إعلامي زعلان منه رغم أنه صديق، ولكن مينفعش يبقى فيه ضيوف قاعدة وهو بيتبنى وجهة نظر واحدة وما ينصفش الطرف الاَخر اللى مش موجود في الإستوديو، إلى جانب إنه ما بيراعيش الصداقة ولا بيحافظ على العيش والملح، الاسم هو خالد الغندور لأنه مرعاش العيش والملح".
إهانة شادي محمد وضحك الغندور
وتابع: "خالد الغندور ما خلاش باله من إهانتي في إحدى حلقات برنامجه، واللى عمله معايا عيب يحصل، وما ينفعش يتغلط فيَّ ويبقى قاعد يضحك، ومش أنا الشخصية دي وأنا راعيت العيش والملح وما كنتش عايز أرد على لأن الصمت لغة العظماء وأنا مش هرد عليه تاني".
