نوال الزغبي: في صديق بموت فيه ومعرفش أنام غير لما أتكلم معاه بالساعات |فيديو
كشفت الفنانة اللبنانية نوال الزغبي، هُوية صديقها اللبناني الذي تحرص على الحديث معه يوميًا أثناء الليل.
صديق نوال الزغبي المفضل
وقالت نوال الزغبي خلال الجزء الثاني من لقائها ببرنامج "كلام الناس" المذاع على قناة "إم بي سي مصر": "عندي صديق بحب أحكي معاه بالليل، وبحس لو محكتش معاه كل يوم بيكون فيه شيء ناقص، وبنقعد نشكي لبعض ونضحك ونمزح".
علاقة نوال الزغبي بـ فراس حليمة
وتابعت: "فراس حليمة هو الشخص اللى بحكى عنه، وبالنسبة لي صديق زي أخويا مفيش بينا أي علاقة عاطفية أو ارتباط عاطفي ومفيش حب بيننا، وأنا بموت فيه وبنقعد نحكي بالساعات".
وكشف الفنانة اللبنانية نوال الزغبي في الجزء الأول من نفس اللقاء، عن الحالة الوحيدة التي تدفعها للزواج من رجل متزوج حال استوفى شروطها كزوج مناسب.
وقالت: "لو الشخص اللي متقدم لي متجوز والأمور ماشية كويسة هو ومراته أرفض الزواج منه لأني محبش أخرب بيت حد، ولو بينه وبين زوجته فيه مشاكل واتأكدت من كده ولاقيته إنسان كويس وصادق في كلامه وراجل بمعنى الكلمة معنديش مشكلة أتجوزه".
تدين نوال الزغبي
وأضافت خلال لقائها ببرنامج "كلام الناس" المذاع على قناة "إم بي سي مصر": "عندي أوضتي باقعد فيها، وأصلي كتير لما أكون تعبانة أو بتوجع لكن عمري ما حد يشوف دموعي أو يحس بضعفي، وأنا أكره المرأة الضعيفة، وعلشان كده بيقولوا عليا جباروت".
جمال نوال الزغبي
وتابعت نوال الزغبي: "لو مكنتش فنانة كنت هحافظ على جمالي وأناقتي ورشاقتي، وأنا بيعطوني 28 سنة لأني محافظة على جمالي وبنام 9 ساعات وبشرب مياه كتير".
طبخ نوال الزغبي
واختتمت: "أنا بدخل المطبخ وبعمل أكل كتير طيب، والأكلات اللي بعملها أجنبية مش عربية، وبحب أعمل عزومات في بيتي".
