نوال الزغبي: "موافقة أتجوز راجل متزوج في حالة واحدة" | فيديو
كشف الفنانة اللبنانية نوال الزغبي، عن الحالة الوحيدة التي تدفعها للزواج من رجل متزوج حال استوفى شروطها كزوج مناسب.
وقالت: "لو الشخص اللي متقدم لي متجوز والأمور ماشية كويسة هو ومراته أرفض الزواج منه لأني محبش أخرب بيت حد، ولو بينه وبين زوجته فيه مشاكل واتأكدت من كده ولاقيته إنسان كويس وصادق في كلامه وراجل بمعنى الكلمة معنديش مشكلة أتجوزه".
تدين نوال الزغبي
وأضافت خلال لقائها ببرنامج "كلام الناس" المذاع على قناة "إم بي سي مصر": "عندي أوضتي باقعد فيها، وأصلي كتير لما أكون تعبانة أو بتوجع لكن عمري ما حد يشوف دموعي أو يحس بضعفي، وأنا أكره المرأة الضعيفة، وعلشان كده بيقولوا عليا جباروت".
جمال نوال الزغبي
وتابعت نوال الزغبي: "لو مكنتش فنانة كنت هحافظ على جمالي وأناقتي ورشاقتي، وأنا بيعطوني 28 سنة لأني محافظة على جمالي وبنام 9 ساعات وبشرب مياه كتير".
طبخ نوال الزغبي
واختتمت: "أنا بدخل المطبخ وبعمل أكل كتير طيب، والأكلات اللي بعملها أجنبية مش عربية، وبحب أعمل عزومات في بيتي".
