نوال الزغبي: مش بتكلم مع شيرين بسبب ظروفها.. وهذه حقيقة زواجي من وائل كفوري | فيديو
قالت الفنانة اللبنانية نوال الزغبي: "بعد أغنية "مين حبيبي أنا" مع وائل كفوري، فكرونا متجوزين وعلى علاقة ببعض لكن مكنش فيه حاجة بينا، بس هما كانوا حابين فكرة إن يكون فيه علاقة بين نجمين".
اعتزال الغناء
وأضافت خلال لقائها ببرنامج "كلام الناس" المذاع على قناة "mbc مصر": "ولادي عايزني أعتزل الفن والغناء، وأبقى ليهم لوحدهم بس".
عروض تمثيل
وتابعت: "اتعرض عليا أمثل ورفضت، وجالي عروض لكني بهرب، وحابة أخوض التجربة تكون القصة عميقة وعن الفاشون بعيدًا عن الطبيبة أو المهندسة، ومش عايز أمثِّل دور مطربة".
ذوق شيرين عبد الوهاب
ولفتت: "شيرين عبد الوهاب من الفنانات القريبة مني وبحبها وبترجعلي في الفاشون والميك أب وبعطيها رأيي في اللبس والمكياج وهي بتحبني، ولكن إحنا بقالنا فترة مش بنتكلم وحسيت أنها بتمر بفترة مش كويسة وعايزة تبقى لوحدها".
