تسجيلات لعصام الحضري يغازل فتاة مكسيكية.. ومدرب حراس المنتخب يرد | فيديو

عرض برنامج "العرافة" المذاع على قناة "المحور"، تسجيلات من الواتساب لمدرب حراس مرمى منتخب مصر عصام الحضري، مع فتاة مكسيكية يعبر فيها عن حبه لها، قائلًا: "آي لاف يوووو.. حبيبي يا بيبي".

تسجيلات حب الحضري

وعلق عصام الحضري مدرب حراس مرمى منتخب مصر: "أنا في حياتي طبيعي وبحب الناس كلها، وعمر ما حاجة حصلت أكتر من الكلام دا ومراتى ما قفشتنيش معاها".

رد فعل زوجة الحضري

وعاد برنامج "العرافة" ليعرض تسجيلات لـ زوجة عصام الحضري، صابرين، وهي تهدد الفتاة المكسيكية بالابتعاد عن زوجها، قائلة: "دا جوزي اللي أنتِ بتحاولي تكلميه ولو مبطلتيش مش هيحصلك طيب".
 

الحضري يدافع عن نفسه

وعلق "الحضري":"دي مش مراتي ولا صوتها.. دي واحدة اسمها هدى وزوجها اسمه محمد وبترد على البنت لأنها كانت بتكلم جوزها".
 

الحضري يغازل فتاة مكسيكية

وتابع "الحضري": "دي واحدة جوزها كان بيكلم البنت المكسيكية وبتقول لها ابعدي عن جوزي، وأنا كمان كلمتها وقلت لها بحبها من باب إني بحب كل الناس".

عصام الحضري يرد على سخرية شوبير منه | فيديو

عصام الحضري: محمد صلاح اتكلم عن اعتزاله الدولي بعد الخسارة أمام السنغال | فيديو

وكشف عصام الحضري مدرب حراس مرمى منتخب مصر، في نفس اللقاء، كواليس جديدة عن أحداث مباراة السنغال في العاصمة داكار.
 

شحن الجماهير السنغالية

وقال: "قبل مباراة السنغال في داكار رأينا حالة شحن كبير ضد منتخب مصر بلاعبيه وجهازه الفني والإداري والطبي".
 

الاعتداء على الحراس

وأضاف: "لما جينا نسخن في الملعب لقينا زجاج مياه وطوب بيتحدف علينا، وأنا بسخن الحراس ما كنتش بشوف الكورة من كتر ما الليزر كان متسلط علينا، كمية الليزر كانت بتغطي اللاعيبة، والفانلات الحمراء بتاعتنا لونها تحول للأخضر".
 

موقف غربال ومراقب المباراة

وتابع: "اتكلمنا مع حكم المباراة مصطفى غربال قال لنا الموضوع كله مع المراقب ولما روحنا للمراقب قال لنا هبطل الليزر ونوقف حدف الطوب وزجاجات المياه".

وأكمل: "كانت هناك آلاف من الليزر في ملعب السنغال، ولو كلمنا الحكم يوقف الماتش كان هيحطنا تحت ضغط ويعملنا مشكلة، وقلنا لمصطفى غربال على زجاجات المياه اللي اتحدفت عليه ومعملش حاجة".

سبب إخفاق محمد صلاح

وأشار: "الشناوي لما صد ركلة الجزاء مكنش الليزر مسلط عليه بشكل مكثف إنما محمد صلاح وهو بيشوط ضربة الجزاء كل الليزر كان ضارب في وشه وده أثر في تسديده للكورة، وأنا بمران الحراس أثر فيَّ".
 

سباب وشتائم جماهير السنغال

ولفت: "الإذاعة الداخلية لملعب السنغال كانت بتشحن الجماهير، وما كناش متوقعين إن الأجواء دي في الملعب وتعرضنا لألفاظ وسباب من أول ما دخلنا في المطار".
 

وأوضح: "علشان نوصل الملعب من الفندق استغرق مننا ساعتين ودي عمرها ما تحصل، ووصلنا الملعب قبل الماتش بساعة ودي حاجة غريبة واللاعب ما يلحقش يلبس ولا يسخن ولا يعمل إطالات، وطول الطريق واحنا ماشيين في اتجاهنا للملعب زحام فوق ما يمكن تصوره، وكان فيه فندق قريب للملعب بحوالي 10 دقايق وبسبب منتخب السنغال رفضوا".
 

طلب محمد صلاح

وأكد: "محمد صلاح طلب يسدد ركلة الجزاء الأولى أمام السنغال".