أبو جبل يبدع في الغناء لـ بهاء سلطان | فيديو
قال محمد أبو جبل، حارس مرمى نادي الزمالك ومنتخب مصر: "اتعرض عليا مؤخرًا عروض للغناء والتمثيل، وصوتي حلو".
أبو جبل يغني لبهاء سلطان
وأدى أبو جبل خلال لقائه ببرنامج "كلام الناس" المذاع على قناة "إم بي سي مصر"، أغنية للفنان بهاء سلطان "قلبك يا حول الله".
رد فعل ياسمين عز
وفاجأ أبو جبل، المذيعةَ ياسمين عز بصوته، فقالت له: "انت صوتك حلو أوي".
وكشف محمد أبو جبل، حارس مرمى نادي الزمالك ومنتخب مصر، في نفس اللقاء، كواليس مشاجرته مع جماهير الفارس الأبيض عقب الخسارة من الوداد المغربي.
مشاجرة أبو جبل مع جماهير الزمالك
وأوضح: "بعد الخسارة من الوداد المغربي اتصور لي خناقة مع الجمهور في الشارع، وكنت حزينًا على اللي حصل، والجمهور كسر لي العربية، واتشتمت بأفظع الشتائم اللي محدش يقدر يستحملها، وواحد من الجمهور واقف قدام العربية مش عايز يتحرك أدوسه؟! مينفعش فنزلت، وقلت حقكم عليا فاتشتمت، وقاللي إنتوا لعيبة مينفعش تفضلوا في النادي".
انقلاب الجماهير على أبو جبل
وأكمل: "مش عارف الجمهور قلب عليا ليه من الحارس اللي في السما بعد بطولة أمم أفريقيا، وبعد كده نزلوني في سابع أرض".
وقال محمد أبو جبل حارس مرمى نادي الزمالك في نفس اللقاء: "أنا باق مع الزمالك، وليس صحيحًا ما تردد عن توقيعي لنادي النصر السعودي".
تنازلات أبو جبل مع الزمالك
وتابع: "أنا ملتزم بعقدي مع نادي الزمالك، وباق في بيتي الأساسي، وقدَّمت تنازلات كتيرة علشان أرجع للزمالك من سموحة، ومنها عقود احتراف ألغيتها كلها".
تجديد عقد أبو جبل مع الزمالك
وأكد أبو جبل: "قسمًا بالله ما حصل إنى طلبت مليون دولار في الموسم علشان أجدد مع نادي الزمالك، ومش هغالي على نادي الزمالك، ولما رجعت للنادي وقعت على بياض، بس كان فيه وعد إن عقدي يتغير لما أشارك بصفة أساسية، وأنا كنت جاي حارس تالت والجمهور قال عني دي صفقة فاشلة، ولكن كان عندي إصرار أكون حارس أول، وتفوقت على نفسي وعلى الظروف اللي حواليا ودلوقتي أنا أساسي في نادي الزمالك".
