المخرج هرب.. تفاصيل خناقة صابرين مع العرب أثناء تصوير "حلم الأسمرات" | فيديو
كشفت الفنانة صابرين، كواليس مشاجرة العرب في الجبل أثناء تصوير مسلسل "حلم الأسمرات"، موضحة أن ما حدث كان هجوما من العرب القاطنين في منطقة ضواحى السادس من أكتوبر على فريق عمل المسلسل أثناء التصوير بسبب عدم دفع الإنتاج لهم مبلغ مالى كانت متفق عليه قبل التصوير.
كواليس هجوم العرب
وتابعت خلال لقائها ببرنامج "العرافة" المذاع علي قناة "المحور":"في الصحراء بيبقى فيه عرب وهما بيبقوا حاميين المنطقة والمفترض ان الناس دول اتفقوا مع الإنتاج علي دفع فلوس علشان نصور في المنطقة اللى حاميينها، والإنتاج رفض يعطيهم الفلوس، وفجأة لقيتهم بيجروا ورانا وعايزين ياخدوا الكاميرات ودخلوا علينا بالشوم وقتها نزلت من العربية واتعاملت معاهم ومخوفتش".
تكسير الكاميرات وهروب المخرج
وأكملت:"أنا عارفة أن العرب عندهم نخوة ومبيجوش على الست، وقتها قلت لهم عيب تعملوا معانا كده واديتلهم الكاميرات وجريت، والكاميرات اتكسرت والمخرج هرب".
مشكلة تتر المسلسل
ولفتت:"حدث سوء تفاهم مع المخرج بعد كده لما نزل تتر المسلسل، لإني كنت موقعة بشكل معين، وانا بعد كده اتحطيت أول اسم مع الفنان محمد رمضان بشكل فيه زقة، وخلال التصوير انسحبت الفنانة وفاء عامر من العمل".
وعلقت الفنانة صابرين، علي تصريح الفنانة حلا شيحة بأن الحجاب شرف وانها تحاول أن يتقبل الله منها، قائلة:"انا مليش علاقة بحجابها بس موقفها مع أبوها مريب مينفعش تهاجمه علي السوشيال ميديا، وعودتها للحجاب مرة أخرى ده تخبط ".
صابرين تكشف رأيها في الحجاب
وتابعت:"لما عملت مسلسل "كشكول لكل مواطن" كنت مهزوزة ومكنتش أنا بسبب الحجاب، علشان كده أنا أبرر لحلا شيحة تخبطها في العودة للحجاب والابتعاد عن التمثيل".
شرف المرأة
وأضافت:"أي حاجة في الدنيا بتستر المرأة فهو شرف مش شرط الحجاب، والشرف في كل الأخلاقيات مش بس في الحجاب، وحلا شيحة حرة في حجابها".
