حقه لازم يرجع.. حكاية مقتل الطالب مصطفى سراج تشعل غضب النشطاء
![الطالب مصطفى سراج](images/no.jpg)
حالة من الحزن خيمت على نشطاء مواقع التواصل الاجتماعي لمقتل الطالب مصطفى سراج، 22 عامًا، الذي توفى إثر إشعال أحد جيرانه النار فيه، بعد مطالبة مصطفى له أن يخفض صوته حتى يتمكن من النوم لعمله في ورديتين بأحد المطاعم في مدينة دمياط الجديدة.
حق مصطفى سراج
حالة الغضب المكتسي بالحزن عبر عنها نشطاء مواقع التواصل الاجتماعي بتدشين هاشتاج "#حقك _مش هيضيع يا مصطفى"، الذي تصدر تريند مصر بموقع التواصل الاجتماعي "تويتر"، مطالبين بحق مصطفي سراج من جاره الذي أشعل النار فيه وقضى على أحلامه.
أما مصطفى سراج طالب يبلغ من العمر 22 عامًا، شاب في مقتبل العمر يدرس بكلية التجارة قسم إنجليزي، مقيم في مدينة دمياط الجديدة، كان يعمل في أحد المطاعم ورديتين، ويعود لسكن العمل لينام قليلًا ثم يعود للعمل مرة أخري.
ومنذ أيام طلب مصطفى سراج من أحد سكان المنطقة، وهو شاب يبلغ من العمر 19 عامًا ويقوم بالشغب هو وأصدقاؤه في المنطقة التي يسكنها، أن يخفضوا صوتهم قليلًا لعدم قدرته على النوم لمواصلة عمله، لكن الجاني لم يعجبه الأمر، فقام بإلقاء زجاجة مولوتوف على مصطفى وأشعل النار في جسده.
استغاث مصطفى سراج بالجيران، الذين حاولوا إطفاء النار المُشتعلة بجسد مصطفى، لكن الجاني بادره بسكب زجاجة أخرى من المولوتوف على مصطفى، الذي توفي، أمس السبت، متأثرًا بالحروق في جسده. وأقيمت جنازته بعد صلاة المغرب ودفن في مقابر مدينة دمياط الجديدة.
حقك مش هيضيع يا مصطفى
وعندما تلقت الأجهزة الأمنية بمديرية أمن دمياط إخطارًا بنشوب مشاجرة بين طالب جامعي بمدينة دمياط الجديدة وآخر، قام على إثرها الجاني بسكب البنزين على الطالب الجامعي وإشعال النيران، بادر الجاني، 19 عامًا، باتهام مصطفي سراج بمعاكسة شقيقته.
لكن الأهالي والجيران لم يقروا بما قاله الجاني، وكذبوه في اتهام مصطفى سراج بمعاكسة شقيقته. وشهدوا بأنه شاب ملتزم كما أنه متدين لا يقوم بمثل هذه الأفعال، وكانت المفاجأة عندما شهدوا أن الجاني والده في السجن، ويقوم بالشغب هو وأصدقائه في المنطقة التي يسكنها.
نشطاء مواقع التواصل الاجتماعي كشفوا عن غضبهم حيال ما حدث لمصطفى سراج، فقال صديقه محمد منير رشوان " ده صاحبي اسمه مصطفى سراج مات مقتول.. مصطفى شغال في مطعم ما في دمياط الجديده ورديتين وبيرجع على السكن بتاع الشغل ينام وكان ليه جيران الناس دي عامله شغب في العماره ومعروف إن هما مش مظبوطين مصطفى اتكلم مع الناس وقالهم بلاش ازعاج علشان احنا بنرجع من الشغل بليل تعبانين ننام ونصحى الصبح على الشغل الناس معجبهاش الكلام وقالوا يأذوهم... فجر الخميس واحد منهم اتهجم على مصطفى ورمى في الشقه بنزين ورمى مولوتوف على مصطفى وولع فيه، مصطفى جري على تحت يستنجد والشخص مستكفاش ورمى عليه واحدة كمان.. الناس حاولت تلحق مصطفى وودوه على المستشفى بس للاسف ساعات وصاحبي مات... أهل مصطفى رفعوا قضية والناس بتحاول تتبلى على صاحبي بقضية قصادها علشان حقه يضيع".
![](/Upload/libfiles/67/7/989.jpg)
وتابع محمد منير: "مصطفى يشهد الناس على طيبته وطهارته وشخص عارف ربنا وعمره ما يفكر يأذي نمله ارجوكم شيروا البوست ده علشان حق صاحبي ميروحش.. #حق_مصطفى_سراج #القصاص_لمصطفى_سراج #حقك_مش_هيضيع_يامصطفى".
أما نعمة الله فعبرت عن حزنها قائلة: " قتلوك وحرقوك وكمان عايزين ياكلو حقك #حقك_مش_هيضيع_يامصطفي".
القصاص لمصطفى
وقال أمير كورات غاضبًا: "لما شاب عنده ٢٢ سنه كانت كل أحلامه ذي اي شاب وبيدرس ويشتغل ويتقتل ويموت متعذب محروق لازم القصاص لازم حاجه تبرد نارنا والي مفيش حاجه هتعوضنا عنه وفي الاخر يدلسوا عليه بعد ما مات لازم تتبرأ روحه الطيبه وإن ربك لبالمرصاد #حق_مصطفى_سراج #القصاص_لمصطفى_سراج #حقك_مش_هيضيع_يامصطفى"
![](/Upload/libfiles/67/7/988.jpg)
أما بنت مصر الحرة فعبرت عن غضبها قائلة: "هي وصلت للمولوتوف؟. ده ايه العقلية الإجرامية دي؟ كل ده عشان بيقولك وطي صوتكم شوية عايزين ننام يبقى جزاؤه الموت حرقًا؟ حسبنا الله ونعم الوكيل #حقك_مش_هيضيع_يامصطفي".
![](/Upload/libfiles/67/7/992.jpg)
وقال علي عبد الفتاح:" نحسبه عند الله شهيدا ويرزق أهله الصبر أنا معرفوش ولا اعرف حد يعرفه... بس حزنت وقلبي أتحرق عليه حسبنا الله ونعم الوكيل العمل كدا لابد يكون عبرة لامثله وَلَكُمْ فِي الْقِصَاصِ حَيَاةٌ #حق_مصطفى_سراج #القصاص_لمصطفى_سراج #حقك_مش_هيضيع_يامصطفى".
![](/Upload/libfiles/67/7/990.jpg)
وعلقت نور الصباح قائلة: " #حقك_مش_هيضيع_يامصطفي انا اسفه يا مصطفي بس مفيش حقوق بترجع... حق محمود البنا راح وساره وزينه واسراء وغيرهم كتير".
اتقتل بأبشع طريقة
ورد أحمد العجمي قائلًا: "مصطفى مماتش قضاء وقدر يا جماعة..مصطفى اتقتل بأبشع طريقة من غير ما يرتكب اي ذنب ولازم حقه يرجع #حق_مصطفى_سراج #القصاص_لمصطفى_سراج #حقك_مش_هيضيع_يامصطفى".
![](/Upload/libfiles/67/7/991.jpg)
وقالت أورى الزهار: " قلبي مش مستحمل الي احنا فيه..ادعوله في صلاتكوا، ساعدونا نرجع حق مصطفي #حق_مصطفى_سراج #القصاص_لمصطفى_سراج #حقك_مش_هيضيع_يامصطفى"
وأضافت صابرين الهلالي "ربنا يظهر الحق ويلطف بأهله يارب قضية مصطفى قضيتنا كلنا #حقك_مش_هيضيع_يامصطفي".