أبرز تصريحات نيللي كريم وزوجها هشام عاشور مع منى الشاذلي

تصدر اسم الفنانة نيللي كريم، مؤشرات بحث موقع "جوجل" فى الساعات الماضية، وذلك عقب لقائها مع الإعلامية منى الشاذلي ببرنامج "معكم" المذاع على قناة "سي بي سي".

فى هذا السياق، ترصد "فيتو"، التصريحات الأبرز لـ "نيللي" فى لقائها وزوجها هشام عاشور في برنامج "معكم".

فاجأت الفنانة نيللي كريم، زوجها لاعب الاسكواش السابق هشام عاشور، في مقدمة البرنامج على الهواء، بتواجدها معه في الاستديو.

وقال هشام عاشور: "والله ما أعرف أنك جايه يا نيللي"، لتعلق منى الشاذلي: "هي مكانتش جاية بس لما عرفت أنك مش عارف اسم مسلسلها جاتلك يا هشام".

قبلة هشام عاشور لنيللي كريم

وعانق هشام عاشور، نيللي كريم على الهواء، وقبَّلها على رأسها، قائلًا: "دي بالنسبة لي مفاجأة غير عادية وأنا مذهول لأني سايبها في البيت ومش عارف طلعت منين"، لتعلق منى الشاذلي: "نيللي كريم جاية تتفرج على الحلقة من غرفة الكنترول، ولما أنت عجنت هي مسكتتش". 

وقالت الفنانة نيللي كريم في لقاء سابق: "أنا تعبت من الشخصية اللي قدمتها في مسلسل ضد الكسر، وتعبت من الست القوية طول الوقت لأني بحس أن معندهاش مشاعر أحيانًا ومتجمدة".

اعتزال البكاء عند مواجهة المشكلات

وتابعت خلال لقائها ببرنامج "يوم ليك" الذي تقدمه الإعلامية سمر يسري بقناة "الحياة": "قلبي جمد في الحياة، وبطلت أعيط في المشكلات اللي ممكن تقابلني في شغلي وحياتي".

نضج نيللي كريم

وأضافت نيللي كريم: "جئت من بيت يعني الصح صح والغلط غلط، ولما كنت بشوف حاجة غلط بتصدم، دلوقتي الغلط بقى أكبر من الصح ومبقتش اتصدم، وبقيت أكثر نضوجًا في التعامل مع المشاكل والظروف وأكثر هدوءًا".

كيف اختلفت نيللي كريم عن الماضي

وأكملت: "مكنتش بعرف أتكلم وقليلة الكلام زمان ومكنتش ببقى واخدة راحتي في البرامج، لكني دلوقتي بقيت متكلمة وانطلقت وأكثر حديثًا، وهي مراحل عمرية الواحد بيمر بها والخبرة في الحياة والردود ووجهات النظر تختلف، ولما بتفرج على المقابلات التليفزيونية القديمة بضحك على نفسي لأني كنت هبلة أوي".

قفشنا مع بعض.. نيللي كريم تكشف سر مكالمة جمال العدل بتعجيل زواجها

فيما كشفت الفنانة نيللي كريم، كواليس زواجها من لاعب الإسكواش السابق هشام عاشور، قائلة: "في أول يوم اتعرفنا فيه على بعض كان بينا مزاح، وبعد 3 أيام من التعارف قاللي تتجوزيني يا نيللي".

وقال هشام عاشور: "كانت مترددة ومش عارفة ترد بس أنا مسكتش وفضلت مُصر على زواجها".

مكالمة جمال العدل

ولفتت نيللي كريم إلى "مكالمة من المنتج جمال العدل كانت سببًا في تسريع الزواج.. كنا في الساحل الشمالي ولقيته بيكلمني إنتي كنتي مع حد وماسكين إيدين بعض والموضوع كان مضحك جدًّا فضحكت وقلت له حصل، وقتها هشام عاشور دخل في المكالمة وأنا بقولك يالا نتجوز".

فرح نيللي كريم وهشام عاشور

وتابعت: "مكناش عايزين نعمل فرح وقلنا نكتب الكتاب بحضور 10 أفراد ونسافر أمريكا، قعدنا نحسبها وصلنا لـ18 شخصا، بعد كده ناس عرفوا وكلموني وقالوا لي: إحنا جايين، وفجأة الخبر اتنشر، وفي الحقيقة عمري ما اتبسطت كده فى حياتى، وحبيت الإسكواش قوي بعد زواجي من هشام، لعبة صعبة محتاجة ذكاء ولياقة وقوة وتركيز".

وقالت الفنانة نيللي كريم في لقاء سابق: "أنا تعبت من الشخصية اللي قدمتها في مسلسل ضد الكسر، وتعبت من الست القوية طول الوقت لأني بحس أن معندهاش مشاعر أحيانًا ومتجمدة".