رئيس التحرير
عصام كامل
Advertisements
Advertisements
Advertisements

أيتن عامر تهاجم عفاف شعيب بسبب "غسل المواعين": جوزي راجل وكلامك مستفز | فيديو

فيتو
قالت الفنانة أيتن عامر: "اتضايقت من تصريح الفنانة عفاف شعيب إن اللي يغسل مواعين لمراته ميبقاش راجل، لأني كأم مطحونة بين الشغل وتفاصيل ومسئوليات الأولاد والبيت حسيت إن دي ضغطة كبيرة علينا".


تصريح عفاف شعيب
وأضافت خلال لقائها ببرنامج "ليلة الخميس" المذاع على قناة "إم بي سي مصر": "لما يبقى عندي يوم إجازة بطبخ لبكرة بالرغم إن عندي مساعدين، ولكن تصريح عفاف شغيب استفزني وانفعلت انفعالًا غير مبرر عليها، وحسيت أنها زعلت فبعتذر لها".

دعم زوج أيتن عامر
وتابع: "مينفعش لما الزوج يساعد زوجته نقول عليه مش راجل بالعكس ده كتر ألف خيره إنه يساعد، وأنا محظوظة إن ربنا رزقني بزوج زي عز، ولما بيلاقيني تعبانة بيساعد في أعمال البيت على قد ما بيقدر في حدود على اللي بيعرف يعمله، ولما بسمع أن فيه زوج مبيساعدش باستفز.. أنا جوزي مبيغسلش مواعين ولكن الراجل يساعد مراته بأي شكل من الأشكال".

رأى بيومى فؤاد في غسل الرجل لـ"المواعين"
من جانبه علق الفنان بيومي فؤاد: "اتربيت في بيت أمي رأيها من رأي الفنانة عفاف شعيب إن الراجل ميغسلش المواعين، وإحنا كنا بندلع جدًا بسبب كده، وعمري في حياتي ما غسلت مواعين، وعمري ما دخلت المطبخ أغسل مواعين، ولكن بساعد زوجتي إنى أجيبلها ناس تساعدها".
Advertisements
الجريدة الرسمية