شقيق ياسمين عبد العزيز منتقدا برنامج ريهام سعيد: "زيرو خبرة في التعامل مع الحيوانات"

انتقد الفنان وائل عبد العزيز، شقيق الفنانة ياسمين عبد العزيز، حلقة الأمس من برنامج “صبايا الخير”، والتي ظهرت فيها ريهام سعيد وهي تحمل ثعلب صحراء بطريقة قاسية.

ونشر وائل، مجموعة من صور الحلقة وعلق عليها قائلًا: “لا حول ولا قوة إلا بالله العلي العظيم.. هو أنتِ عايزة إيه.. أنتم مستحيل تبقوا اتفرجتوا مثلًا على أي برنامج عن الحيوانات والحفاظ عليها من الانقراض”.

وتابع: “كمية تعذيب شافها حيوان صغير كل مشكلته إنه حيوان عايز ياكل ويكمل دورته في الحياة اللي ربنا خلقه عشانها.. مفيش رحمة، واستهتار بمشاعر حيوان لا حول له ولا قوة”.

تابع حديثه قائلًا: “ندور على ترند على حساب حيوان ضعيف.. كفايه بقى برامج من النوع ده.. إحنا بقينا فضايح بس قدام العالم كله.. زيرو خبرة في التعامل مع الحيوانات في مصر.. معندناش أي نوع من أنواع المعرفة”.