نصيحة الرئيس للمصريين: اوعوا توصلوا بلدكم للخراب والدمار

قال الرئيس عبد الفتاح السيسي: "علينا التأكيد على ضرورة الحفاظ على الدولة والناس والبيوت".

وأضاف الرئيس: "طبقا لتقرير الأمم المتحدة.. فيه دولة أنا مش هقول اسمها تحتاج إلى 440 مليار دولار لإعادة الشيء لأصله.. واللى كانت موجودة من 10 سنين.. والرقم اللى بتكلم عليه ده إحصائيات الأمم المتحدة.. إعادة الشئ للى كان عليه من 10 سنين.. التخريب والتدمير تحت شعار التغيير.. مطلوب لهذه الدولة 440 مليار دولار.. والرقم ده مش موجود ومش موجودين.. وتفضل البلد دى 50 سنة أو 100 سنة.. اصلها مش بالترميم.. أصلها بإصلاح الشعب نفسه". 

وتابع الرئيس السيسى: "اوعوا يا مصريين.. واوعى يا أى حد بيسمعنى فى اى دولة أنه يوصل بلده للخراب والدمار والتدمير ده.. اوعوا تعملوا كده.. واللى بيعمل كده والقائمين عليهم.. تفتكروا أنتم مصلحين فى الأرض ولا مفسدين.. ده إصلاح ولا إفساد.. لا يمكن يكون ده إصلاح.. ولا يمكن أن يقبل ربنا ده أو يساعد ده وعلشان كده مصر بفضل الله هتفضل مصر".

جاء ذلك خلال افتتاح الرئيس السيسي اليوم عدة مشروعات بقطاع البترول بمسطرد ومنها مجمع التكسير الهيدروجيني للبترول.