يوميات ريس حلقة رقم (1) يوم 30 هنشيل الطين

مدير مكتب الريس مكشر وزعلان قوي
الريس: خير يا وش الخير ما هي ناقصاك نكد عليا أنا من يوم ما بقيت ريس وأنا في نكد والله السجن كان أرحم
مدير مكتبه: الشعب بيغلي يا سيادة الريس عشان المحافظين الجدد
الريس يضرب يدا بيد: يا عم الحاج أنا قلت المشوار ده مش هينفع الله يجازي اللي كان السبب
مدير مكتبه: كان لازم تصر على رأيك هو إنت صغير لا معلم إنت مش شوية وبعدين الموضوع في وشك اشرب بقى وحاسب
الريس: إنت بتسخني عليه هو إنت مش عارفه ولا غريب عليك ده ما يقدر عليه إلا ربنا
مدير مكتبه: ده كان زمان لما كان يصرف علينا لكن دلوقتي الوضع اتغير إحنا اللي بنصرف يعني لامؤاخذة إحنا اللي بنحاسب
الريس متعجبا ويشخط فيه: يا أخويا بتقول إحنا إحنا هو كله بقى صاحب البلد أمال أنا أبقى إيه أنا اللي في وش المدفع يا خويا يعني لو فيها طرة أروح وكلكم تبلغوا فرار يا عم الكتكوت
مدير مكتبه: مش إحنا واحد وفي مركب واحد ولما تغرق نغرق مع بعض عيب عليك ده إنت حبيبي من أيام المعتقل ولا نسيت؟
الريس: معلهش سامحني يا أخي طب والله كانت أيام حلوة يا عم إيه الفرق ما أنا قدامك عايش في معتقل على الأقل زمان لا كان حد يتريق ولا يهزقني دلوقتي كله شغال على لما الواحد أدمن التهزيق
مدير مكتبه: طب هتعمل إيه في المصيبة دي؟ 
الريس: مصيبة إيه قصدك المحافظين يا راجل قول يا رب الموضوع شغال وزي الفل كله لعب عيال ياما دقت على الراس طبول يا أبو زمل.
مدير مكتبه: يا ريس مش هينفع دي سلبية 
الريس يشخط فيه: خلاص كلمه إنت وابقى سمعني الرد واطربني
مدير مكتبه: لا أنا مش الريس
الريس: يعني هو ده اللي تاعبك من النهاردة إنت الريس وريني الرجولة يا عم الدكر
مدير مكتبه: يا ريس الشعب اختارك إنت
الريس يحط إيده في وسطه: لا والله والشعب خلعني من تاني شهر يا سيدي والمظاهرات في كل مكان ولسه التقيل جاي ورا ويوم 30 هنشيل الطين ومش بعيد نبقى مساجين
مدير مكتبه: يعني إيه طب أطلع أقول أي بوق؟ إن شاء الله حتى بوق حمضان
الريس: يا سلام يا خويا؟ عشان بتوع الفيس بوك يقطعوني لا يا معلم وخد بالك طول ما دول قاعدين يبقى مفيش فايدة تصدق وتؤمن بالله أنا بضحك على نفسي لما بشوفهم بيسخروا مني دول عيال عفاريت... هاهاها
مدير مكتبه: يعني مفيش فايدة
الريس: الحل في المقطم أنا عبد المأمور وإنت عارف كده كويس روح يا راجل اعمل نعناع نهدي أعصابنا