خالد سالم: فيروس كورونا.. كهرب العالم
فيروس مكهرب العالم
اسمه القريِّب منكم كورونا
رجَّع حتى أمريكا وأوروبا
اللي من زمان سبقونا
لمّ البشر في البيوت
وفرَّق الناس من حوالينا
قفل المولات والقهاوي
وأجِّل الديون اللي علينا
وريَّحنا في السراير والصالونات
وقفِّل مدارسنا ونوادينا
نقول عليه إيه.. مؤمن ولا كافر؟!
قفِّل البارات ومساجدنا وملاهينا
حتى الحرمين والكنايس
وبقينا في البيت نصلى لوحدينا
منع الزيارات والسلامات
والأحضان والبوس.. والسلام بإيدينا
فيروس عجيب غريب
أكيد جاي يخلص من اللي علينا
كل العلما شغالين أبحاث
وكل شوية أموات وناس تعزينا
وناس تمنع الدفن والصلاة والغسل
ويقولك ممكن بالميتين يعدونا
وكلنا بقينا علما وأطبا
وياما منا أطبا من الفيروس تركونا
يا ناس اتقوا ربنا.. واركعوا واسجدوا
واطلبوا من ربنا للحق يهدينا
