خالد سالم يكتب: في كل ركن.. صورة
![خالد سالم](images/no.jpg)
الجدار عليه صورتين
واحدة على الشمال
والثانية على اليمين
الضوء جاي من الشباك على الاتنين
الأولى لنجم.. ورجل أعمال
صاحب ملايين
من فلوس الغلابة جايين
والسؤال: فين رد الدين؟!
خالد سالم يكتب: الحب الحقيقي (قصيدة)
والأخيرة لطبيب حزين
والنور فوق الجبين
الستارة غطت على
الأول
واختفى عن العين
والنور ملو اليمين
الطبيب الأمين
مانامش من يومين
وصورة تالتة بين الاتنين
وحش أسمر على الحدود
قاسم للوعد اليمين
إن أهل بلده دايما سالمين
يحمى أرضه من الغادرين
وزميله مع الشهداء والقديسين
وهو في الانتظار
ماسك حبل الله المتين
وصورة في الركن الحزين
لأم الشهيد في الكمين
دموعها ترسم الأنين
ومعاها طفلين حلوين
أيتام وأمهم من الصابرين
على الأرض سجادة صلاة
في انتظار الراكعين
ولوحة قرآنية بالخط الديوان
تمجد رب العالمين
ندعوه يرحمنا.. احنا وانتو
والسامعين
في الركن تلميذ يذاكر
من المجتهدين
وتلفزيون ذايع نشرة أخبار
شرطي شهيد في انفجار
والصوت واطي حزين
وأغنية
تقول: الوطن نور العين
وصوت القلب
جاي من بعيد
الأم ست الحلوين
في رباط ليوم الدين
أولادي الغاليين
وربنا حارس من العين
ادخلوا مصر آمنين