شيكابالا يهدي هدفه الأول في الجونة لطفله آدم

أهدى لاعب الزمالك شيكابالا، محمود عبد الرازق شيكابالا، هدفه الأول الذي أحرزه في مرمي الجونة، لنجله الأول آدم، الذي رزق به نهاية شهر ديسمبر الماضى، حيث جاء هدف شيكابالا فى النسخة الحالية من بطولة الدورى الممتاز. 

وكتب محمود عبد الرازق شيكابالا تغريدة على تويتر "الهدف الأول أدم شيكابالا".

وانهالت عليه تهاني جمهوره فقال أحمد مصطفي " والله أنا أهلاوي واحبك واحب موهبتك اهتم اكتر عشان خاطر أدم و اسعده زي ما اسعد الزمالكاوية و الاهلاوية اللي بيحبوا شيكا من ساعة ماجيت عزاء ال٧٢ انت علي راسنا من فوق واللي يشتمك يبقي مش بيفهم كورة بس ليا عتاب مش هقوله..."

وداعبه الدوق " يغيب ويرجع بهيبته.. أبو آدم"

وعلق سيد بن غريب " بسم الله ما شاء الله .. ده ابننا كلنا يا شيكا ربنا يباركلك فيه.. أدم شيكا شجعوه زملكاوي زي أبوه" 

هتافات جماهير الزمالك تزلزل استاد الجونة بعد إحراز شيكابالا الهدف الأول| فيديو 

ونصحته أميمة شكري قائلة "شيكا ركز معاية شوية ادم تهتم بية مفيش حاجة اسمها رز وملوخية وبشمل والكلام دة مش عايزين زيادة وزن انا عايزة اشوفة غزال وتاخدة وتعلمه المهارات بشكل جيد وتسلمه للزملكاوية وعندة ٥ سنين يبقة قائد وعندة ١٢ سنة.. ربنا يفرحك بيه"

في حين قال أبو نغم "ياسلام لو ييجى اليوم اللى نلاقى فيه شيكا الصغير قائد وحريف ذى ابوه".

وكان شيكابالا قد أحرز هدفه الأول فى النسخة الحالية بالدورى فى مرمى الجونة، في المباراة التى أقيمت أمس الأربعاء، على ملعب النادى الساحلى، ضمن مباريات الجولة الـ 13 للدورى والتى انتهت بفوز الزمالك 2/ صفر سجلها شيكابالا والمغربى محمد أوناجم بهدف لكل منهما.